Жорий йилнинг 6 ноябрь куни “Daryo.uz” сайтида “Симёғоч қуласа, ундаги ток одамни ўлдиради”. Чироқчиликлар чириб қолган симёғочлар аҳволидан ташвишда” сарлавҳали мақола “Ҳудудий электр тармоқлари” акциядорлик жамияти томонидан ўрганилиб, қуйидагилар маълум қилинади.
Маълум бўлишича, Ўзбекистон Республикаси Президентининг 2018 йил 29 мартдаги “Обод қишлоқ” дастурини 2018 йилда амалга ошириш бўйича қўшимча чора-тадбирлари тўғрисида”ги ПҚ-3630-сонли қарорига асосан Чироқчи тумани “Сувлиқ” қишлоғидаги истеъмолчиларни электр энергияси билан таъминлаб турган тасарруфимиздаги мавжуд 11,9 км электр электр узатиш тармоғида реконструкция ва модернизация ҳамда мукаммал таъмирлаш ишлари амалга оширилган.
Шунингдек, ушбу мурожаатда кўрсатиб ўтилган “Сувлиқ” қишлоғидаги электр энергияси таъминотини яхшилаш учун мавжуд 669-сонли трансформатор пунктидан чиқувчи электр узатиш тармоқларини реконструкция ва модернизация қилиш ишлари амалга оширилмокда. Айни пайтда зарур таянчлар ўрнатилиб, электр узатиш тармоқлари тортиш ишлари ҳам амалга оширилмоқда.
Чироқчи туманидаги “Сувлиқ” қишлоғининг электр таъминоти билан боғлиқ ҳолат “Ҳудудий электр тармоқлари” АЖ томонидан назоратга олинган.
Эслатиб ўтамиз, айни вақтда электр энергияси таъминоти билан боғлиқ ҳолатлар юзасидан “Ҳудудий электр тармоқлари” АЖ томонидан ишга туширилган Call-Марказининг 11-54 рақами ёки Telegram’даги “Hududiy elektr tarmoqlari” AJ bilan muloqot” канали (@hetmuloqot, @HET_admin) орқали ҳам ўз мурожаатларингизни йўллашингизни сўраймиз.
“Ҳудудий электр тармоқлари” АЖ Матбуот хизмати
1136
