Келгуси икки йилда Фарғона нефтни қайта ишлаш заводи қувватларидан фойдаланиш деярли икки бароварга ошиши кутилмоқда. Булар Ўзбекистон Республикасидаги энг йирик нефть ва газ компанияларидан бири бўлган “Sanoat Energetika Guruhi”нинг (SEG) режалари ҳисобланади.
SEG Фарғона нефтни қайта ишлаш заводини сотиб олиши билан вертикал интеграциялашган нефть компанияси бўйича бизнес моделини яратади. Шундай қилиб, SEG нефть маҳсулотларини етиштирилишининг тўлиқ циклини таъминлайди: кон қидирувлари ва қазиб олишдан тортиб, нефтдан юқори сифатли маҳсулотлар ишлаб чиқаришгача ва Ўзбекистон Республикаси халқига ўз маҳсулотларини узлуксиз етказиб беришни таъминлайди.
ФНҚЗ компаниясининг SEG ишлаб чиқариш занжирига интеграциялашуви корхонани ишончли бошқарувнинг бир ярим йиллигидан кейин амалга оширилмоқда, улар доирасида заводдан фойдаланиш даражасини оширишга қаратилган бир қатор ташаббуслар амалга оширилди. Шу жумладан, модернизация дастури тайёрланди, SAP ERP ресурсларни бошқариш тизими амалга оширилди, компания халқаро молиявий ҳисобот стандартларига ўтди ва бир қатор бошқа ташаббуслар амалга оширилди.
“Биз корхонанинг юкланишини кўпайтириш ниятидамиз. Агар бугунги кунда ФНҚЗ йил давомида 1 миллион тоннадан ортиқ маҳсулот ишлаб чиқарса, унда режаларимизнинг ўсиши 2 миллион тоннагача етиши кутилмоқда. 2023 йилга бориб, завод Евро-5 стандартига биноан бензин ишлаб чиқаради, шунингдек, замонавий нефт қайта ишлаш маҳсулотларини ҳам ишлаб чиқаришни йўлга қўяди. Афсуски, сўнгги йигирма йил давомида ФНҚЗ инвестицион манфаатлар чегарасида эди, корхона 30 йилдан ортиқ модернизация қилинмаган. Бугунги кунда биз “Afton Chemical”, “Lubrizol” (АҚШ), “Infineum” (Англия), “Evonik” (Германия) каби халқаро компаниялар ва бошқа бир қатор халқаро компанияларни техник қайта жиҳозлаш учун жалб қилмоқдамиз” – деди SEG бош директори Шокир Файзуллаев.
ФНҚЗ ишлаб чиқариш занжирига интеграциялашувидан ташқари, SEG заводга халқаро стандартлар каби энг яхши корпоратив амалиётлар, масалан, ходимларнинг малакасини оширишга имкон яратади. ФНҚЗ аввалгидек Фарғона вилоятини ривожлантиришда фаол иштирок этади, атроф-муҳит ва уни муҳофаза қилишга сармоя киритади, шунингдек, маҳаллий ҳамжамиятларни қўллаб-қувватлайди.
SEG Матбуот хизмати
960
