Ўзбекистон энергетика форуми доирасида маҳаллий ва хорижий оммавий ахборот воситалари вакиллари, журналист ва блогерлар учун “Uzbekistan GTL” заводига пресс-тур ташкил қилинди.
Хабар берганимиздек, шу йил 15 июнь куни заводда Ўзбекистон тарихида биринчи синтетик нефть ишлаб чиқарила бошланди.
Мазкур воқеа замонавий нефт-кимё ва нефт-газни қайта ишлаш саноати ривожида янги технологик босқич бўлиб ҳисобланади.
Шу мақсадда, бугун, 25 июнь куни журналист ва блогерларга ушбу тарихий воқеанинг аҳамияти, қолаверса, мазкур заводнинг иқтисодиётимиз ривожи ва жаҳонда тутган ўрни билан яқиндан таништирилди.
Завод йилига 1,5 млн. тонна юқори сифатли ва экологик тоза бўлган, ҳалқаро стандартларга тўлиқ жавоб берадиган синтетик ёқилғи ишлаб чиқаради. Жумладан, 724,6 минг тонна дизель ёқилғиси, 307,3 минг тонна авиакеросин, 437,3 минг тонна нафта, 53,4 минг тонна суюлтирилган газ ишлаб чиқарилади.
Ўзбекистон Республикаси
Энергетика вазирлиги Матбуот хизмати
93
