Бугун, 29 июнь куни Ўзбекистон Республикаси Олий Мажлиси Сенати аъзоси, Энергетика вазирлиги ва тизим ташкилотлари раҳбарияти ҳамда ходимлари иштирокида “Ўзбекистон Республикаси Конституциясига киритилаётган ўзгартириш ва қўшимчаларнинг асослари ва мазмун-моҳияти” мавзусида муҳокама ўтказилди.
Унда вазирлик ва тизим ташкилотларида фаолият юритаётган ишчи ходимлар, қатор оммавий ахборот воситалари вакиллари, хусусан, “Ўзбекистон 24”, “Тошкент”, “Спорт”, “Севимли”, “Менинг юртим” телеканаллари ва “Ўзбекистон 24” радиосидан журналистлар иштирок этди.
Тадбирда Ўзбекистон Республикаси Олий Мажлиси Сенати аъзоси Гулнора Марупова ва Ўзбекистон Энергетика вазирининг биринчи ўринбосари Азим Ахмедхаджаев томонидан Конституциявий ислоҳотлар ва уларнинг мазмун-моҳияти ҳақида соҳа ходимларига батафсил маълумот берилди.
Тадбир якунида юқорида санаб ўтилган оммавий ахборот воситаларига ушбу ислоҳотларнинг аҳамияти, хусусан унда келтирилган масалалар энергетика соҳаси билан ҳам узвий боғлиқлиги, унинг аҳоли фаровонлигини таъминлаш йўлидаги ислоҳот эканлиги ҳақида маълумот берилди.
Ўзбекистон Республикаси
Энергетика вазирлиги матбуот хизмати
905
