“Иссиқлик электр станциялари” АЖ тизим корхоналарида давлатимиз раҳбари томонидан илгари сурилган “Инсон қадри учун” тамойили асосида бир қатор бунёдкорлик ва ободонлаштириш ишлари олиб борилмоқда. Ишчи-ходимларга муносиб меҳнат шароитларини яратиш йўналишига қаратилган бу каби ишларда “Тошкент ИЭС” АЖда ҳам салмоқли ишлар амалга оширилмоқда.
Ишчи-ходимлар учун яратилаётган шарт-шароитлар ва бу орқали меҳнат унумдорлигига, ишлаб чиқариш самарадорлигига эришиш корхонанинг муҳим вазифасига айланган. Цех ва бўлимлардаги ювиниш хоналари, сунъий сув ҳавзалари, тренажёр заллари ва санитария-гигиена хоналари, жами 1000 квадрат метр ҳудуд таъмирланди.
Ишчи-ходимларни соғлом турмуш тарзига жалб этиш мақсадида корхонанинг кичик спорт майдончаси таъмирланиб қайта жиҳозланди. Станция ҳудуди ҳаво мўътадиллигини сақлаш мақсадида кўкаламзорлаштирилди. Шунингдек, корхонанинг маъмурий бино ва иншоотлари фасадлари замон талабига мос равишда таъмирланди. Сифатли тиббий хизмат кўрсатиш маркази модернизация қилинди. Ходимлар ошхонаси қайта таъмирланиб, барча шароитлар яратилди.
- Корхонада меҳнатни муҳофаза қилиш маданияти тобора шаклланиб, ижобий томонга ўзгариб бормоқда,- дейди таъмирлаш ва қурилиш цехи бошлиғи Кенжа Уразов. – Ишчиларнинг унумдор меҳнати ва сиҳат-саломатлигини муҳофаза қилишда санитария-гигиенанинг аҳамияти юқори. Шу боис, цехлар ва бўлимлардаги ювиниш хоналари, сунъий сув ҳавзаси ва тренажёр хоналарида замонавий гигиена талабларига мос таъмирлаш ишлари бажарилиб, ишчи-ходимлар учун тоза ва қулай шароитлар яратилди.
Шунингдек, ёқилғи-транспорт цехига қарашли 2 та ювиниш хонаси, 1 ва 2- қозон-турбина цехларига қарашли ювиниш хоналари замон талабларига мос равишда таъмирдан чиқарилди.
Таъкидлаш жоизки, Президентимиз томонидан илгари сурилган “Инсон қадри учун” ғояси ижросини таъминлаш корхона маъмуриятининг бош мақсадига айланган.
“Иссиқлик электр станциялари” АЖ Матбуот хизмати
689
