Аввал ҳабар берганимиздек, жорий йилнинг 15 июнь куни Uzbekistan GTL заводида Ўзбекистон тарихида биринчи синтетик нефти ишлаб чиқарилиши бошланган эди.
Мазкур воқеа республиканинг замонавий нефт-кимё ва нефт-газни қайта ишлаш саноатини ривожида янги технологик босқичи ҳисобланади ҳамда ушбу кун Ўзбекистонда илк бор синтетик суюқ ёқилғи ишлаб чиқариши йўлга қўйилганлигига рамзий манода тарихий куни ҳисобланади. Ҳосил бўлган синтетик нефть GTL заводида синтетик дизель, авиакеросин, нафта ва суюлтирилган газни ишлаб чиқариш учун асосий хом ашё ҳисобланади.
Жорий йилнинг 29 июнь куни соат 7.30 да Uzbekistan GTL заводида Ўзбекистон нефть ва газ-кимёси саноатининг тариҳида биринчи синтетик GTL дизель маҳсулоти ишлаб чиқарилиши йўлга қўйилди.
Ўзбекистон Республикаси Президенти Шавкат Миромонович Мирзиёевнинг ғояси ва ташаббуси билан бунёд этилган Uzbekistan GTL заводида юртимизда ва умуман минтақамизда нефть-газ-кимё саноати соҳасидаги энг йирик корхонаси, Янги Ўзбекистоннинг учинчи ренессанси пойдевори ва Ўзбекистон нефт ва газ-кимёси саноатининг тариҳида илк бор синтетик ёқилғи маҳсулотлари ишлаб чиқариши бошланганлиги ва биринчи маҳсулот олинганлигини расман эълон қилинади.
Заводнинг асосий ишга тушириш ишлари, шу жумладан 11 мингга яқин ускуна ва асосий ишлаб чиқариш қурилмаларини синхрон ишлашини таъминлаш, шунингдек, уларни тўлиқ назорат қилиш ва бошқариш Ўзбекистон Республикаси фуқаролари - «Uzbekistan GTL» заводининг маҳаллий муҳандислари ва ёш мутахассислари томонидан мустақил равишда амалга оширилмоқда.
Эришилган келишувларга кўра 5 минг тонна миқдорида ишлаб чиқарилган синтетик дизелнинг биринчи партиясини Навоий кон-металлургия комбинатига юбориш режалаштирилган.
990
