“Иссиқлик электр станциялари” АЖ ва тизим корхоналари вакилларидан таркиб топган мутахассислар Германиянинг Европа менежмент ва технологиялар мактаби томонидан ташкил этилган ўқув-курсларида иштирок этишди.
Махсус қисқа муддатли малака ошириш ўқув курси “Рақамли иқтисодиёт ва корпоратив бошқарув” мавзусида бўлиб ўтди. Унда “Иссиқлик электр станциялари” АЖ ва тизим корхоналари, жумладан, “Сирдарё ИЭС” АЖ, “Толимаржон ИЭС” АЖ, “Ўзэнергосозлаш” МЧЖ ва “Ўзбекэнерготаъмир” АЖ вакиллари қатнашишди.
Тингловчилар учун “Корпоратив бошқарувнинг ўзига хос жиҳатлари”, “Рақамли иқтисодиёт ва электрон ҳукуматни шакллантиришнинг муҳим жиҳатлари” ва “Бизнес модели асосида рақамлаштириш стратегиясини ишлаб чиқиш” каби йўналишларда маърузалар ўқилди.
Курс қатнашчиси, “Иссиқлик электр станциялари” АЖ Корпоратив бошқарув бўлими бошлиғи Ғолиббек Равшанбековнинг таъкидлашича, корпоратив бошқарув тизимининг самарадорлиги нафақат компаниянинг бозор қийматини оширади, балки ўз навбатида, молиявий бозорларда рақобатбардошликни таъминлайди ҳамда инвестицион жозибадорликни оширади.
Ўқув курси доирасида Германиянинг корпоратив бошқарув ва рақамли иқтисодиёт йўналишида катта натижаларга эришган турли компаниялари ва корхоналарига ташрифлар, В2В форматидаги музокаралар ўтказилди.
Мазкур ўқув курси Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Бизнес ва тадбиркорлик олий мактаби кўмагида ташкил этилди.
Маълумот ўрнида, бу каби семинарлар “Иссиқлик электр станциялари” АЖнинг 2022 йил 4 мартдаги “2022 йил давомида “Иссиқлик электр станциялари” АЖ тизим корхоналари ходимларини тайёрлаш, қайта тайёрлаш ва малакаларини ошириш тўғрисида”ги “Йўл харитаси” ижросини таъминлашга қаратилган.
“Иссиқлик электр станциялари” АЖ Матбуот хизмати
783
