Ўзбекистондаги нефт-газ компанияларидан бири “Sanoat Energetika Guruhi” МЧЖ (SEG) жорий йилнинг биринчи ярмида 276 минг тонна суюқ углеводород қазиб чиқарди. Бу 2021 йилнинг мос даврига нисбатан 9 фоизга юқори.
Ҳисобот даврида Ғарбий Тошли, Шарқий Тошли, Янги Қоратепа, Шимолий Шўртан, Хўжаосмон каби конларда геологик-техникавий ишлар муваффақиятли амалга оширилди.
Шунингдек, Чегара, Сардоб ва Шимолий Ўртабулоқ конларида бурғулаш ишлари олиб борилиши натижасида нефть қазиб олиш ҳажмининг ошишига эришилди.
2022 йил 1 июль ҳолатига ўртача суткалик углеводородлар қазиб олиш ҳажми салкам 1700 тоннадан ортиқни ташкил этди, бу ўтган йилнинг мос даврига нисбатан 16 фоизга (1468 тонна) кўпдир.
Жорий йилнинг биринчи ярмида 34 та қудуқ ишга туширилди (2021 йилнинг биринчи ярим йиллигидаги бу кўрсаткич 7 та қудуқни ашкил этган).
SEG шунингдек, 2022 йилнинг биринчи ярмида буюртмалар портфелини диверсификация қилишни давом эттирди. Компания томонидан истеъмолчиларга жами 119 445,89 тонна дизель ёқилғиси, 85 399,46 тонна бензин, 3 062,87 дона ТС маркали авиакеросин етказиб берилди.
Манба
785
