Energetika vazirining birinchi o‘rinbosari Azim Ahmedxadjayev kompaniya bosh vitse-prezidenti Nas Kentab va vitse-prezident Muhammad al Zahrani bilan muzokaralar o‘tkazdi.
Uchrashuv 2022 yil 25 iyul kuni O‘zbekiston Respublikasi Energetika vazirligi delegatsiyasining Saudiya Arabistoniga amaliy tashrifi doirasida tashkil etildi.
O‘zbekiston tomoni taʼkidlaganidek, Saudiya Arabistonining kimyo ishlab chiqarish transmilliy kompaniyasi bo‘lgan SABIC bilan gaz-kimyo sanoati sohasida hamkorlikning qator yo‘nalishlari muhokama qilindi.
Xususan, o‘tgan yili onlayn formatda o‘tkazilgan muzokaralar davomida SABIC kompaniyasi MTO texnologiyasi kabi fosforli o‘g‘itlar ishlab chiqarish va boshqa loyihalarni amalga oshirishda hamkorlik qilishdan manfaatdorligini bildirdi.
Uchrashuvda gaz-kimyo sanoati sohasida hamkorlikning yangi istiqbolli yo‘nalishlari, xususan, chiziqli alkilbenzol (LAB) ishlab chiqarish, MTO loyihasi doirasida ftalik kislota ishlab chiqarish, metanol asosida hamkorlikda polioksimetilen ishlab chiqarish va boshqa qator masalalar muhokama qilindi.
Muhokama qilingan yo‘nalishlarda tomonlarning ishtirok etish imkoniyatlarini batafsil o‘rganish bo‘yicha kelishuvga erishildi.
O‘zbekiston Respublikasi
Energetika vazirligi Matbuot xizmati
688
