Davlat xavfsizligi xizmatining “O‘zneftgazinspeksiya” hamda “O‘ztransgaz” AJ bilan hamkorlikdagi nazorat tadbirlari davom ettirilmoqda.
Joriy yilning iyun-iyul oylarida Avtomobillarga gaz to‘ldirish kompressor shoxobchalarida o‘tkazilgan navbatdagi tadbirlar davomida bir qator AGTKSHlarida tabiiy gazdan foydalanishda qonun buzilish holatlariga yo‘l qo‘yilganligi aniqlandi.
Jumladan, Buxoro viloyatidagi 3 ta AGTKSHda 2,2 mlrd so‘mlik, Samarqand viloyatidagi 2 ta AGTKSHda 3,3 mlrd so‘mlik, Sirdaryo viloyatidagi 5 ta AGTKSHda 3,6 mlrd so‘mlik, Jizzax viloyatidagi 17 ta AGTKSHda 31,3 mlrd so‘mlik va Qashqadaryo viloyatidagi 1 ta AGTKSHda 1,5 mlrd so‘mlik tabiiy gazdan noqonuniy foydalanish holatlari aniqlanagan.
Qoidabuzarliklarni kelib chiqishi AGTKSHlarining o‘lchov tizimlaridagi ko‘rsatkichlarga tashqi taʼsir bilan bog‘liq ekanligi juda achinarli holat.
Hisob-kitoblarga asosan, mazkur korxonalar tomonidan davlat manfaatlariga yetkazilgan zarar miqdori 41,9 mlrd so‘mni yoki 209 mingga yaqin xonadonlarni yoz mavsumidagi bir oylik isteʼmoliga teng bo‘lgan tabiiy gazdan noqonuniy foydalanib kelinganligi maʼlum bo‘ldi.
“O‘zneftgazinspeksiya” axborot hizmati
1191
