O‘zbekiston energetika vazirining birinchi o‘rinbosari Azim Ahmedxadjayev va “Saudi Aramco” kompaniyasi rahbariyati aʼzolari o‘rtasidagi uchrashuvda kadrlar tayyorlash sohasidagi hamkorlik masalalari muhokama qilindi.
Muzokaralar O‘zbekiston Respublikasi Energetika vazirligi delegatsiyasining 2022 yil 24-iyuldan buyon davom etayotgan Saudiya Arabistoniga amaliy tashrifi doirasida bo‘lib o‘tdi.
Unda Qirol Abdulla nomidagi Fan va texnologiya universiteti negizida tajriba almashish va kadrlar tayyorlash sohasida ikki tomonlama hamkorlikni yo‘lga qo‘yishdan manfaatdor ekanligi taʼkidlandi.
“Saudi Aramco” Kadrlar tayyorlash dasturini amalga oshirish bo‘yicha o‘zgarishlarga ega bo‘lib, keyinchalik 4 yil davomida majburiy ish bilan taʼminlanadi.
Bundan tashqari, ushbu kompaniya G‘arb tadqiqot institut va universitetlari bilan hamkorlikda KAUST universitetini tashkil etish tashabbusi bilan chiqdi. Ushbu universitet bitiruvchilarining yuqori texnik darajasi jahon darajasidagi yuqori texnologiyalar sohasida hamkorlik qilish, shuningdek, yuqori texnologiyali korxonalarni yaratish uchun zarur hisoblanadi.
Shuningdek, muzokaralar chog‘ida O‘zbekiston tomoni raqamlashtirish va geologik qidiruv ishlari sohasida hamkorlik qilishdan, “Saudi Aramco” konlarini 3D modellashtirish va tuproq tarkibini tahlil qilish sohasida mavjud bo‘lgan tajribadan, qatlamlarning maksimal taʼsiri uchun eng maqbul burg‘ulash nuqtasini olishdan va boshqa sohalardan manfaatdor ekanligini bildirdi.
Tomonlar o‘zaro hamkorlikni rivojlantirishdan manfaatdor ekanliklarini bildirib kadrlar tayyorlash va boshqa sohalarda hamkorlik yo‘nalishlarini ishlab chiqishga kelishib oldilar.
O‘zbekiston Respublikasi
Energetika vazirligi matbuot xizmati
726
