Maʼlumki, joriy yilning 10-iyun kuni Prezidentimiz Shavkat Mirziyoyev raisligida qayta tiklanuvchi energiyadan foydalanishni kengaytirish masalalari bo‘yicha videoselektor yig‘ilishi o‘tkazildi. Unda belgilangan vazifalar ijrosini taʼminlash maqsadida joriy yilning iyul oyida “Farg‘ona IEM” AJ Qozon sexi binosiga 60 kVt quvvatdagi quyosh foto elektr stansiyasi o‘rnatilib, foydalanishga topshirildi. Bu o‘z navbatida korxonada yillik issiqlik energiyasini 47,45 Gkalga, elektr energiyasini esa 108 ming kVt/soatga tejash imkonini beradi.
Shuningdek, yil oxiriga qadar “Farg‘ona IEM” AJ mavjud binolariga 13 dona jami 2600 litrlik quyosh suv isitgichlari o‘rnatish belgilangan. Bundan tashqari ishlab chiqarishda yoqilg‘i-energetika resuslari isteʼmolini qisqartirish, energiya samaradorligini oshirish, energiya tejovchi texnologiyalar va qayta tiklanuvchi energiya manbalarini joriy etish bo‘yicha “Farg‘ona IEM” AJ ko‘p yillardan buyon ishlatilmay kelayotgan eski ko‘mir omborxonasi o‘rnida quvvati 1800-2000 kVt bo‘lgan quyosh panellarini o‘rnatish rejalashtirilgan. Ushbu quyosh panellari “On-Grid” rejimida ishlashini hisobga olganda yiliga 7-8 mln. kVt qo‘shimcha elektr energiyasi olish va yoqilg‘i energoresurslarini tejash, atmosferaga zararli gazlarning chiqishini kamaytirish imkonini ham beradi.
Maʼlumot o‘rnida, stansiyada 200 litrli suv isitgich va yoritish chiroqlari, jami quvvati 13 kVt bo‘lgan 4 dona kuyosh paneli orqali ishlaydi. Ular ishga tushirilgan 2020 yildan to bugungi kunga qadar jami 162 018 kVt.soat elektr energiyasi va 0.07 Gkal issiqlik energiyasi iqtisod kilindi.
“Issiqlik elektr stansiyalari” AJ Matbuot xizmati
1185
