Joriy yil 10-iyun kuni Prezidentimiz Shavkat Mirziyoyev rahbarligida qayta tiklanuvchi energiya manbalaridan foydalanishni kengaytirish masalalari bo‘yicha o‘tkazilgan videoselektor yig‘ilishida belgilangan topshiriqlar ijrosini o‘z vaqtida taʼminlash maqsadida, “O‘zbekiston milliy elektr tarmoqlari” AJ tomonidan 28 ta obyektga 500 kVt quvvatli quyosh panellarini o‘rnatish bo‘yicha ishlar boshlandi.
Mutaxassislarning fikricha, o‘rnatilayotgan ushbu quyosh panellari bir yil davomida Aksiyadorlik jamiyatining elektr energiya isteʼmolini 1 080,0 ming kVt•soatga tejashga imkon beradi.
Ayni paytda “O‘zbekiston MET” AJning maʼmuriy binosida quvvati 50 kVt bo‘lgan quyosh elektr tsansiyasini o‘rnatish ishlari boshlab yuborildi. Buning natijasida bir yilda 108,0 ming kVt•soat elektr energiyasi tejalishi ko‘zda tutilgan.
Shu bilan birga, namuna tariqasida 20 nafar xodim xonadonida quvvati 73,5 kVt bo‘lgan quyosh panellari va quyosh suv istitish qurilmalarini o‘rnatish bo‘yicha ishlar olib borilmoqda. 2022–2026 yillar davomida bosqichma-bosqich xo‘jalik isteʼmolini to‘liq qayta tiklanuvchi energiya manbalariga, yaʼni “yashil energiya”ga o‘tish ko‘zda tutilgan.
“O‘zbekiston MET” AJ Axborot xizmati
801
