Joriy yilning 9-10-avgust kunlari Issiqko‘l viloyatining Cho‘lpon-Ota shahrida Markaziy Osiyo mamlakatlari energetika sohasi ayollarining sammit-konferensiyasi bo‘lib o‘tdi.
Konferensiya Qirg‘izistondagi energetika sohasida faoliyat yurituvchi ayollar uyushmasi tomonidan AQSH Xalqaro taraqqiyot agentligi (USAID)ning “Markaziy Osiyo energetikasi” loyihasi bilan hamkorlikda tashkil etildi.
Maʼruzachilar Markaziy Osiyo mamlakatlari – Qirg‘iziston, O‘zbekiston, Qozog‘iston, Turkmaniston va Tojikistonning energetika sohasida faoliyat yurituvchi professional ayollar, shuningdek, energetika, kommunal xo‘jalik vazirliklari, nazorat qiluvchi organlar, energetika kompaniyalari, oliy o‘quv yurtlari va professional tashkilotlar vakillari ishtirok etdilar.
Ushbu seminarning asosiy maqsadi bilim va tajriba almashish, salohiyatni oshirish uchun imkoniyatlar yaratish, tarmoq yaratish, energetika sohasida ishlaydigan ayollar va mutaxassislar uchun gender tengligi va ijtimoiy inklyuziyani rivojlantirish uchun platforma yaratishdir.
Ushbu tadbir natijasida Markaziy Osiyo davlatlarining energetika sohalarida faoliyat yuritayotgan ayollar o‘z tajriba va bilimlari bilan o‘rtoqlashdilar, shuningdek, kasbiy va shaxsan duch keladigan umumiy maqsadlar va to‘siqlarni muhokama qilishdi. Ishtirokchilar birgalikda kelajakda STEM sohasiga kiruvchi yosh ayollar va qizlar sonini ko‘paytirishning mumkin bo‘lgan yechimlari va yo‘llarini muhokama qilishdi.
Eslatib o‘tamiz, O‘zbekiston yoqilg‘i-energetika kompleksida 115 mingdan ortiq xodim mehnat qiladi, shundan 13 ming 458 nafarini ayollar tashkil etadi – bu umumiy ko‘rsatkichning 11,6 foizini tashkil etadi. Rahbar lavozimdagi ayollar 367 nafar bo‘lib, bu ko‘rsatkich o‘tgan yilga nisbatan 30 foizga oshgan.
Qirg‘iziston energetika sohasidagi ayollar assotsiatsiyasi 2022 yil fevral oyida energetik ayollarni qo‘llab-quvvatlash, ular uchun eshitiladigan va energiya sohasidagi intilishlari va salohiyatlarini ro‘yobga chiqarish imkoniyatiga ega bo‘lgan yagona maydon yaratish maqsadida tashkil etilgan.
944
