2022-yilning 9-avgust kuni Cho‘lpon-Ota shahrida Markaziy Osiyo mamlakatlari energetika sohasi xotin-qizlar sammiti doirasida Qirgʻiziston energetika sanoatidagi xotin-qizlar uyushmasi Prezidenti Altinay Abdikerimova va Oʻzbekiston Respublikasi Energetika vazirligi Gender masalalari bo‘yicha kengash raisi Elmira Bekmurodova vakilligida hamkorlik va o‘zaro anglashuv memorandumini imzolash marosimi bo‘lib o‘tdi.
Memorandumga ko‘ra, tomonlar energetika sohasida imkoniyatlarni kengaytirish va ayollarning rolini oshirish bo‘yicha hamkorlik qilish masalalari ilgari surildi.
Bundan tashqari, memorandumda Qirgʻiziston va Oʻzbekiston energetika tizimlarida mehnat qilayotgan xotin-qizlarning ish tajribasini oʻrganish va amaliyotda qoʻllash, energetika sohasida gender masalalariga yoʻnaltirilgan kasblarni, xususan, muhandislik va AKT muhandisligi, muhandislik kasbini tanlayotgan o‘smir qizlarga maslahat berish, shuningdek, qo‘shma loyihalar va tahliliy ishlarni tashkil etish boʻyicha tomonlar oʻrtasidagi hamkorlikni rivojlantirish uchun qulay shart-sharoitlar yaratish koʻzda tutilgan.
Qirgʻiziston energetika sanoatidagi xotin-qizlar uyushmasi va O‘zbekiston Respublikasi Energetika vazirligi Gender masalalari bo‘yicha kengashi o‘z faoliyatida bir xil maqsadlar, tamoyillar va qadriyatlarga amal qiladi: ayollarning huquq va qonuniy manfaatlarini himoya qilishga hissa qo‘shish va energetika sohasida ayollarning rolini oshirishga intilish.
Tomonlar hamkorlik munosabatlarini mustahkamlash, samarali va o‘zaro manfaatli hamkorlikni rivojlantirish niyatlarini bildirdilar.
1046
