O‘zbekiston Respublikasi Energetika vazirligi huzuridagi Tarmoqlararo energiyani tejash jamg‘armasi va AT “Xalq banki” o‘rtasida aholiga energiya tejamkor va qayta tiklanuvchi energiya manbalari qurilmalarini xarid qilish uchun yashil isteʼmol kreditlari ajratish yo‘nalishida Bosh kelishuv imzolandi.
Ushbu bitim Energetika vazirligi huzuridagi Tarmoqlararo energiyani tejash jamg‘armasi ijrochi direktori Elzod Raxmanov va AT “Xalq banki” Boshqaruvi raisi o‘rinbosari Dilshod Qutliyev tomonidan imzolandi.
Kelishuv doirasida Bank Jamg‘arma mablag‘lari hisobidan aholiga energiya tejamkor va qayta tiklanuvchi energiya manbalari qurilmalarini sotib olish uchun Markaziy bankning asosiy stavkasidan oshmagan holda 5 yil muddatga yashil isteʼmol kreditlari ajratish rejalashtirilgan.
Ushbu kredit mablag‘larini ajratish orqali aholining energiya resurlariga tobora oshib borayotgan talabini qondirishga va atrof muhitga zararli gazlar ajralishini kamaytirishga erishiladi.
O‘zbekiston Respublikasi
Energetika vazirligi Matbuot xizmati
1070
