“O‘zbekneftgaz” AJning 2022-yil 13-iyuldagi 329-sonli buyrug‘ini ijrosini taʼminlash, shuningdek, tasarrufidagi AYOQSHlarda avtobenzin sotilishini o‘rganish, shuningdek Ai-80 rusumli avtobenzin narxlarini tartibga solish maqsadida Neft mahsulotlari logistikasi departamenti rahbariyati masʼulligida departament xodimlaridan iborat ishchi guruh tashkil etilib, respublikaning barcha hududlariga safarbar qilingan.
Joriy yilning 8-iyul sanasida bo‘lib o‘tgan yig‘ilish natijasi bilan jamiyat tasarrufidagi barcha AYOQSHlarda Ai-80 rusumli avtobenzinning sotish narxi 6 800 so‘mdan belgilanib, departament tomonidan qatʼiy nazoratga olindi.
Shuningdek, joylardagi narxlarni o‘rganish maqsadida Telegram dasturida guruh yaratilib, unga “O‘zbekneftgaz” AJ rahbariyati va ishchi guruhi qo‘shildi. Ushbu guruhda ishchi guruhi aʼzolari tomonidan respublikaning barcha hududlaridagi jamiyat tasarrufidagi AYOQSHlarda sotilayotgan Ai-80 rusumli avtobenzinning narxlari yoritib borilmoqda. Olinayotgan axborot, video va fotosuratlarga asosan, isteʼmolchilar tomonidan eʼtirozlar tushmagan, avtobenzin bir maromda yetkazib berilmoqda.
Birjada narxlar 21-iyul kunidan boshlab pasayish kuzatilmoqda, xususan bugun birja natijalari bilan o‘rtacha narxlar o‘rtacha 8,1 mln so‘mdan shakllanmoqda.
Birjada avtobenzin narxining pasayganligi xususiy AYOQSHlarda ham narxlar pasayishiga olib kelmoqda. Bugungi kunda, respublika bo‘yicha xususiy AYOQSHlarda narxlar pasayib, o‘rtacha 7 292 so‘mni tashkil etmoqda.
Joriy avgust oyi davomida jamiyat tasarrufidagi AYOQSHlar orqali jami 8 169 tonna jumladan “UNG Petro” AYOQSHlari orqali 6 259 tonna va neft baza tasarrufidagi AYOQSHlar orqali 1 910 tonna Ai-80 rusumli avtobenzin aholiga sotildi. Bugungi kunda “UNG Petro” va Neft baza tasarrufidagi AYOQSHlarda 1 421 tonna AI-80 rusumli avtobenzin qoldiqlari mavjud.
Isteʼmolchilarga neft mahsulotlarini bir maromda yetkazib berilishini taʼminlash maqsadida, barcha neft bazalar raxbarlari va masʼullari bilan doimiy ravishda gaplashib chiqilmoqda.
Avtobenzin taʼminotida uzilishlarga yo‘l qo‘ymaslik maqsadida 12 avgust kuni uchun isteʼmolchilarga respublika bo‘yicha jami 2 091 tonna jumladan “Chinobod neft bazasi” MCHJdan 881 tonna Ai-80 rusumli avtobenzin yetkazib berildi.
Shuningdek, “Chinobod neft bazasi” MCHJ tomonidan forvard shartlari asosida (narxlarni 6800 so‘m saqlab qolish maqsadida) xarid qilib olingan Ai-80 rusumli avtobenzinni jamiyat tasarrufidagi AYOQSHlariga jami 754 tonna jumladan Toshkent shahridagi AYOQSHlarga 476 tonna yetkazib berildi.
Neftni qayta ishlash zavodlari bir maromda ishlamoqda. Buxoro NQIZ tomonidan 11-avgust kuni 2 733 tonna avtobenzin, 978 tonna dizel yonilg‘isi, 322 tonna aviakerosin va 303 tonna mazut ishlab chiqarilgan.
Joriy avgust oyining 12 sanasiga “Buxoro NQIZ” MCHJ tomonidan neft bazalarga jami 2 424 tonna avtobenzin yuklab berildi.
Bugungi kunda, jamiyat tasarrufidagi korxonalarda jami 22,2 ming tonna jumladan “Buxoro NQIZ” MCHJda 3,9 ming tonna, neft bazalarda 18,3 ming tonna (yo‘lda 8,4 ming tonna) avtobenzin qoldiqlari mavjud.
525
