O‘zbekiston Respublikasi Energetika vazirligi va Saudiya Arabistoni Energetika vazirligi o‘rtasida hamkorlik to‘g‘risidagi bitim imzolandi.
Bitim O‘zbekiston Respublikasi Prezidenti Shavkat Mirziyoyevning Saudiya Arabistoni Podshohligiga davlat tashrifi doirasida imzolandi.
Bitim Saudiya Arabistonining yirik energetika kompaniyalari bilan O‘zbekistonda qayta tiklanadigan energiya, elektr stansiyalari, bug‘-gaz qurilmasi, vodorod energetikasi, neft va gaz sohasida hamkorlik qilish uchun umumiy asos yaratishni nazarda tutadi.
Hamkorlik yoʻnalishlari orasida energetika sohasini raqamlashtirish, atmosferaga issiqxona gazlari chiqindilarini kamaytirish, mutaxassislarni tayyorlash va malakasini oshirish boʻyicha loyihalar ham kiradi.
Ushbu Bitimning imzolanishi Saudiya Arabistoni kompaniyalarining energetika sohadagi insoniy va texnik salohiyati, tajribasi va yetakchiligini inobatga olgan holda ishlab chiqarish va tadqiqotlarni ko‘paytirish maqsadida investitsiyalarni o‘z ichiga olgan O‘zbekiston-Saudiya energetika hamkorligining yangi bosqichiga qo‘yilgan tub qadamdir.
O‘zbekiston Respublikasi
Energetika vazirligi Matbuot xizmati
396
