Bugun, 2022 yil 18 avgust kuni “Tadbirkorlar bilan ochiq muloqot haftaligi” doirasida “Energetika, infratuzilma, qurilish, muhandislik kommunikatsiyalarini takomillashtirish orqali hududlarda ishbilarmonlik muhitini yanada rivojlantirish” nomli sessiyasida ishtirokchilarining savollariga Energetika vazirligi javob berdi.
Energetika vaziri o‘rinbosari Sh.Xodjayev, xususan, o‘tgan yili Energetika vazirligi tizimida amalga oshirilgan ishlar hajmi haqida gapirar ekan, shunday dedi:
2021 yilda quyidagi ishlar bajarildi.
Iste’molchilarni barqaror elektr energiyasi bilan ta’minlash maqsadida 235,4 km elektr tarmoqlari qurilib, 14 ta podstansiya modernizatsiya qilindi, ularning quvvati 1855 MVAga yetkazildi. Shuningdek, 849,5 km uzunlikdagi elektr tarmoqlari, 7 transformator, 15 kompressor va nimstansiyalardagi 59 o‘tkazgich to‘liq ta’mirlandi.
Tarqatish tarmoqlarini ta’mirlash va rekonstruksiya qilish dasturi doirasida 15 030 km elektr uzatish tarmoqlari va 4 000 transformator punkti yangilandi va rekonstruksiya qilindi, 26 000 km past kuchlanishli elektr tarmoqlari va 9 000dan ortiq transformator punktlari to‘liq ta’mirlandi. Shuningdek, 63 ta podstansiya rekonstruksiya qilinib, ularda 668 MVA qo‘shimcha quvvat yaratildi.
O‘zbekiston energetika vaziri o‘rinbosari joriy yildagi vazifalarga ham to‘xtalib o‘tdi:
“2022 yilda nimalar qilish kerak.
Asosiy podstansiyalar quvvatini oshirish maqsadida umumiy quvvati 1616 MVA ga yetkaziladigan 11 ta podstansiyani rekonstruksiya qilish ishlari olib boriladi, shuningdek, 125 km magistral elektr uzatish liniyalari va 375 MVA quvvatga ega 2 ta 220 kV podstansiya qurish rejalashtirilgan.
2 792,5 kilometr tarmoq va 1 110 transformator punkti yangilanadi, taqsimlash tarmoqlarini modernizatsiya qilish davom ettirilib, 28 000 kilometrdan ortiq elektr tarmoqlari va 9 679 transformator punkti to‘liq ta’mirlanadi”.
Tez-tez beriladigan savollardan biri tarif siyosati, xususan, qayta tiklanuvchi energiya manbalari asosida ishlab chiqariladigan energiyaga nisbatan. Bu yo‘nalishda quyidagilar ta’kidlandi:
“Qayta tiklanuvchi energiya loyihalarida qo‘llaniladigan tariflar bo‘yicha:
- qayta tiklanuvchi energiya manbalari (GESlar bundan mustasno) sohasida sanoat miqyosida (1 MVt va undan ortiq) loyihalarni amalga oshirish uchun potensial investorlarni aniqlash ochiq auksion (tender) savdolari orqali amalga oshiriladi.
- quyosh, shamol, biogaz elektr stansiyalaridan (1 MVt va undan ortiq quvvatga ega sanoat stansiyalaridan tashqari), quvvati 5 MVt tagacha bo‘lgan gidroelektr stansiyalardan o‘z ehtiyojlari uchun ishlab chiqarilgan ortiqcha elektr energiyasini davlat kafolatli xarid qiladi. Elektr energiyasini bunday xarid qilish II guruh iste'molchilari uchun belgilangan tarifning 80% miqdorida amalga oshiriladi.
O‘zbekiston Respublikasi
Energetika vazirligi Matbuot xizmati
708
