Forumning uchinchi kuni qatnashchilar uchun yugurish bo‘yicha “Energetiklar marafoni” bilan boshlandi. Unda “Issiqlik elektr stansiyalari” AJ tarkibiga kiruvchi barcha korxonalarning 18 yoshdan 30 yoshgacha bo‘lgan 100 nafarga yaqin energetiklari ishtirok etishdi. Yosh energetiklar umumiy hisobda 3 kilometr masofani bosib o‘tishlari kerak bo‘ldi.
Shuningdek, фorumning uchinchi kunida futbol, stol tennisi, voleybol bo‘yicha musobaqalar g‘oliblari va sovrindorlari aniqlandi. Shuningdek, triatlon (suzish, velopoyga va yugurish) bo‘yicha stansiyalararo bellashuvlar bo‘lib o‘tdi.
Forum energetika sohasida ilmiy-innovatsion ishlanmalar ustida ish olib borayotgan yoshlar ishtirokidagi “Issiqlik elektr stansiyalarini rivojlantirishning innovatsion yechimlari” mavzusida ilmiy-texnik konferensiya bilan o‘z ishini davom ettirmoqda.
Anjuman davomida issiqlik elektr stansiyalarini zamonaviy innovatsion yechimlar asosida modernizatsiya qilish, yangicha texnologiyalarni ishlab chiqarish jarayoniga jalb etish masalalari muhokama etildi.
Forum doirasida “INNO-TPP” ilmiy-texnik klubiga asos solindi. Buni chin maʼnoda konferensiyaning kulminatsion nuqtasi sifatida eʼtirof etish mumkin.
Zero, klub davlatimiz rahbari boshchiligida mamlakatimizda energetika sohasini yana-da rivojlantirish, ishlab chiqarish jarayoniga yirik investitsiyalarni keng jalb etish, yangidan yangi ishlanmalarni va muqobil energiya manbalarini joriy etish yo‘nalishida amalga oshirilayotgan islohotlarni davom ettirishni maqsad qilgan.
519
