O‘zbekiston Respublikasi va Koreya Respublikasi o‘rtasida diplomatik munosabatlar o‘rnatilganining 30 yilligiga bag‘ishlab o‘tkazilgan “Toshkent - Seul: kelajakka nazar” ekspertlar forumi doirasida 2022-yil 24-avgust kuni Koreya Respublikasi delegatsiyasi Energetika vazirligi xuzuridagi Qayta tiklanuvchi energiya manbalari ilmiy-tadqiqot institutiga tashrif buyurdi.
Unda Koreya Respublikasi – Markaziy Osiyo hamkorlik forumi kotibiyati, Koreya xalqaro almashuv jamg‘armasi vitse-prezidenti, Koreya Respublikasining O‘zbekiston Respublikasidagi Favqulotda va Muxtor Elchisi, Seul milliy universitetining xalqaro aloqalar bo‘limi professori, Xanyang universitetining Osiyo-Tinch okeani tadqiqotlari markazi direktori, Koreya xalqaro iqtisodiy siyosat institutining Yangi shimoliy siyosat departamenti direktori, Inchxon milliy universitetining Shimoliy-sharqiy tadqiqot instituti professori, Xonkuk chet tillar universitetining Markaziy-Osiyo tadqiqotlar instituti ilmiy xodimlari, Donguk ayollar universitetining Yevroosiyo va turkiy tadqiqotlar instituti direktori hamda Koreya Respublikasining O‘zbekiston Respublikasidagi elixonasi vakillari ishtirok etdi.
Uchrashuvda O‘zbekiston va Koreya o‘rtasidagi siyosiy, savdo-iqtisodiy, investitsiyaviy, moliyaviy-texnik va madaniy-gumanitar hamkorlikning hozirgi holati va istiqbollari muhokama qilindi.
Tashrif davomida, Institut direktori Azizbek Alimuxammedov Institut faoliyati, xususan ilmiy laboratoriyalar hamda ishlab chiqarish sexlari bilan tanishtirdi.
Shuningdek, O‘zbekistonda iliy-tadqiqot institutlarini erkinlashtirish, investitsiyaviy muhitni yaxshilash, iqtisodiyot va ishbilarmonlik muhitining shaffofligini oshirish bilan birgalikda O‘zbekistonning yashil energetikaga o‘tishi yo‘lidagi va boshqa islohotlar sohalarida sezilarli yutuqlarga erishilgani qayd etildi.
Institut Matbuot xizmati
428
