O‘zbekiston Respublikasi Prezidentining “Neft va gaz sohasida taʼlim-ishlab chiqarish klasterini tashkil etish chora-tadbirlari to‘g‘risida”gi qarorining ijrosini taʼminlash maqsadida “O‘zbekneftgaz” AJ Boshqaruvi raisi Mehriddin Abdullayev topshirig‘iga asosan “Uzbekistan GTL” zavodining kadrlar zaxirasini istiqbolli yosh mutaxassislar bilan to‘ldirish ishlari izchil olib borilmoqda. Bu borada mahalliy oliy taʼlim muassasalari bilan kadrlar tayyorlash bo‘yicha hamkorlik aloqalar yo‘lga qo‘yilgan.
“Uzbekistan GTL” zavodida internship dasturini o‘tash uchun jami 102 nafar talabalar saralab olingan bo‘lib ular uchun maxsus Uzbekistan GTL-Internship dasturi amalga oshirildi. Dastur yakunlariga ko‘ra iqtidorli va saralab olingan 20 nafar, yuqori bilimga ega bo‘lgan 4-bosqich talabalari o‘quv yili so‘ngida Uzbekistan GTL zavodiga ishga qabul qilindi.
Joriy yilning iyul-avgust oylarida internship dasturini saralash bosqichlaridan muvaffaqiyatli o‘tgan 18 nafar iqtidorli 3-bosqich talabalari esa “Uzbekistan GTL” zavodining ishlab chiqarish xodimlari sifatida, vaqtinchalik mehnat shartnomasi asosida, oylik maosh tayinlandi. Intern xodimlarga, zavod xodimlari bilan bir tengda barcha sharoitlar yaratilgan bo‘lib ular uchun ham maxsus forma va himoya vositalari, uch mahal issiq ovqat, yotoq joy va zavod bo‘ylab transport bilan taʼminlandilar.
“Uzbekistan GTL” zavodida men joriy yilning 20 iyun kunidan boshlab Uzbekistan GTL-Internship dasturiga qabul qilindim. Dastur yakuniga yetgach, biz bir nechta imtixon va suhbatlardan o‘tdik va biz bilan vaqtinchalik mehnat shartnomasi imzolandi. Biz bu yerda zavodning xodimi yaʼni intern sifatida mehnat qildik. Bu yerda men universitetimda o‘rgangan asosiy texnologik jarayonlarni, usukuna va jihozlarni joyida o‘rganib, ularni ishlash prinsiplari, tuzilishini o‘rgandik. Bu men uchun juda muhim amaliyot bo‘ldi. Men universitetimda o‘z bilimlarimni yana-da kuchaytiraman, sohamga bo‘lgan qiziqishimni bir necha barovar oshdi. Internship davrida zavod rahbariyati biz uchun barcha sharoitlarni tashkil etdi, yotoq joyi, ovqatlanish, transport, biz bundan judayam minnatdormiz. Universitetni bitirishim bilan ushbu zavodga ishga kirish uchun astoydil harakat qilaman.” - Xanbekov Amal, Toshkent davlat texnika universitetining 3-bosqich talabasi.
Bu kabi dastur talabalarda mamlakatimizning neft va gaz sanoati sohasida mehnat qilish naqadar sharafli va shu bilan birgalikda yuqori masʼuliyatli ish ekanligi, sohaning yetuk mutaxassisi bo‘lishda tinimsiz mehnat va bilim olishning o‘ta muxim ahamiyat kasb etishi to‘g‘risida tushuncha xosil qilishlarida muhim qadam sifatida xizmat qiladi.
Eslatib o‘tamiz 2021 iylning 25 dekabr kuni “Uzbekistan GTL” zavodining ochilish marosimida davlatimiz rahbari Sh.Mirziyoyev tomonidan neft va gaz sohasidagi taʼlim muassalaridagi o‘quv dasturlarini zamonaviy talablar asosida qayta ko‘rib chiqish, talabalar amaliyotini, internship dasturlarini “Uzbekistan GTL” zavodida tashkil etish bo‘yicha ko‘rsatmalar berilgan edi.
Iqtidorli talabalar uchun Uzbekistan GTL-Internship dasturi doimiy ravishda amalga oshirilishi rejalashtirilgan.
1363
