SHHT sammiti doirasida O‘zbekiston Respublikasi Energetika vazirligi va “Huawei Tech Investment Tashkent” MCHJ xorijiy kompaniyasi o‘rtasida “Innovatsiya va qayta tiklanuvchi energetikani rivojlantirish sohasida hamkorlik” bo‘yicha Anglashuv memorandumi imzolandi.
Mazkur Anglashuv memorandumi O‘zbekiston Energetika vazirining birinchi o‘rinbosari Azim Axmedxadjayev va “Huawei Tech Investment Tashkent” kompaniyasi direktori Chen Szyakay tomonidan imzolandi.
Memorandumda quyidagilar belgilandi:
➖ “Huawei” o‘zining texnik imkoniyatlari asosida qayta tiklanuvchi energiya sohasida xalqaro ekspertlarni jalb qilgan holda energetika mutaxassislariga treninglar va boshqa maslahat yordamini tashkil etish;
➖ “Huawei” kompaniyasidan uskunalarni beg‘araz yetkazib berish bilan raqamli yechimlar asosida invertorlar va qayta tiklanuvchi energiyani saqlash tizimlarini sinovdan o‘tkazish hamda sertifikatlash bo‘yicha qo‘shma laboratoriya yaratish;
➖ Memorandumdan kelib chiqadigan tadqiqot loyihalarini amalga oshirish, tadbirlar o‘tkazish;
➖ Tomonlar O‘zbekiston hududida qayta tiklanuvchi energiya sohasini rivojlantirish doirasida kelgusida hamkorlik qilish va qo‘shma loyihalarni amalga oshirish imkoniyatlarini ko‘rib chiqish kabilarni o‘z ichiga oladi.
O‘zbekiston Respublikasi
Energetika vazirligi Matbuot xizmati
603
