Saudiya Arabistonining “ACWA Power” kompaniyasi boshqaruvi raisi Muhammad Abunayan O‘zbekistonda issiqlik va shamol elektr stansiyalarini qurish bo‘yicha amalga oshirilayotgan ishlar, oxirgi yillarda olib borilayotgan islohotlar haqida intervyu berdi:
“O‘zbekiston xalqaro maydonda o‘z o‘rniga ega. Biz uchun esa energetika sohasida investitsiya kiritishda munosib manzil bo‘lgan davlat hisoblanadi.
“ACWA Power” kompaniyasi oxirgi 3 yilda o‘z loyihalari bilan O‘zbekiston energetika bozorining faol ishtirokchisiga aylandi.
Eng muhim tomoni — joriy etilayotgan yangi texnologiyalar boshqaruvida mahalliy kadrlarga ishonch bildiryapmiz.
Guvoh bo‘ldikki, O‘zbekistonda energetika sohasida muhim islohotlarga qo‘l urilgan va biz ham bu jarayonning davomi sifatida yangi iqtidorlarni kashf qilish, ular uchun imkoniyatlar eshigini ochish, ish o‘rinlari yaratishga intilyapmiz.
Shu kungacha O‘zbekiston bilan olib borgan hamkorligimizdan juda mamnunmiz va bu bizni yana yangi loyiha hamda investitsiyalar kiritishimizga undaydi.
Taraqqiyot strategiyasida aniq belgilab qo‘yilgan maqsadlarni amalga oshirishda strategik hamkor bo‘lishga tayyormiz. Bu qarorga kelishimiz, albatta o‘tgan yillarda hamkorlikdan olgan taassurotlarimiz va tajribamiz natijasi.
Biz Markaziy Osiyoga kiritayotgan sarmoyalarimiz va hamkorligimiz yanada faol va uzoq muddatli bo‘lishi tarafdorimiz.
Shuni ta’kidlab o‘tishim kerakki, “ACWA Power” kompaniyasi 13 ta davlatda o‘z loyihalarini amalga oshirmoqda. Ammo tajribamdan kelib chiqib aytadigan bo‘lsam — O‘zbekiston bilan hamkorlik juda ajoyib.
Albatta bu O‘zbekiston Prezidenti va uning oqilona boshqaruvi natijasidir”.
590
