SAVOL: Xonadonimga quyosh suv isitish qurilmasi o‘rnatmoqchiman. Andijon viloyatida quyosh panellari va quyosh suv isitgichlari ishlab chiqaradigan tadbirkorlar bormi? Ishlab chiqaruvchilar haqida maʼlumot olish va ular bilan bog‘lanishda yordam bera olasizmi?
MAʼLUMOT UCHUN: So‘nggi yillarda isteʼmolchilar tomonidan qayta tiklanuvchi energiyaga asoslangan quyosh panellari va quyosh suv isitgichlariga bo‘lgan qiziqish ortib bormoqda. Bugungi kunda mamlakatimizda bunday qurilmalar 15 dan ortiq tadbikorlik subyektlari tomonidan ishlab chiqarilmoqda, ular xaqida maʼlumotlar internet tarmog‘ida ham mavjud.
JAVOB: Agar isteʼmolchi kompensatsiya ajratilgan holda ushbu qurilmalarni xonadoniga o‘rnatmoqchi bo‘lsa, birinchi navbatda https://energymarket.uz/ platformasi orqali ro‘yxatdan o‘tish kerak. Agar siz faqat ishlab chiqaruvchilar haqidagi maʼlumotlarga qiziqsangiz, istalgan boshqa internet tarmog‘idagi qidiruv tizimidan foydalanib, kerakli maʼlumotlarni topishingiz mumkin. Jumladan, Energetika vazirligi huzuridagi Tarmoqlararo energiyani tejash jamg‘armasiga bog‘langan holda maʼlumotlar olishda yordam so‘rashingiz mumkin*.
Hozirgi kunda “O‘zeltexsanoat” uyushmasi bilan birgalikda uyushma tarkibiga kiruvchi qayta tiklanuvchi energiya manbalarini ishlab chiqaruvchilar platformada ro‘yxatdan o‘tib, marketpleys sahifasida o‘zlariga tegishli qurilmani joylashtirishi uchun amaliy ishlar olib borilmoqda. Amaliy ishlar yakunlagandan so‘ng, platformadan ishlab chiqaruvchilar ro‘yxatdan o‘tadi.
Xususan, xonadoningizga qurilmalarni o‘rnatish uchun nafaqat Andijon viloyatida faoliyat yuritadigan, balki butun Respublika hududiga xizmat ko‘rsatadigan ishlab chiqaruvchilar sizga uskunalarni o‘rnatib berishi mumkin. Platformada siz anketa to‘ldirish jarayonida ishlab chiqaruvchi bergan maʼlumotlarga asosan, o‘zingizga maʼqul kelgan qurilma va ishlab chiqaruvchini tanlaysiz.
Platforma bugungi kunda test rejimida ishlamoqda, Ishlab chiqaruvchilar to‘g‘risida maʼlumotlarni platformadan olishingiz mumkin bo‘ladi.
Platforma orqali ariza qoldirilgandan so‘ng, ariza kelib tushgan kundan boshlab 10 ish kunida taqdim etgan hujjatlaringiz ishlab chiqaruvchi tomonidan to‘g‘ri va to‘liqligi tekshiriladi hamda energiya samarador va energiya tejovchi qurilmalar o‘rnatib beriladi.
*Qo‘shimcha maʼlumotlarni Jamg‘armaning quyidagi telefon raqamlari orqali olishingiz mumkin. (77) 070-12-32 / (78) 122-12-32
O‘zbekiston Respublikasi
Energetika vazirligi Matbuot xizmati
1148
