Energetika vaziri o‘rinbosari Sherzod Xodjayev shaharlar ichida yangi qurilayotgan ko‘p qavatli uylar va elektr ta’minoti bilan bog‘liq vaziyatlar haqida gapirib berdi.
– “Tabirkorlarimizning orasida ham ming afsus, juda ham ko‘p yolg‘on aralashadigan ishlar bor. Bitta misol keltirib beraman. Tadbirkor keladida aytadi. Men shu yerga 4 ta ko‘p qavatli uy quraman, deydi. Biz unga texnik shart berishimiz kerak. Imkonimiz yo‘q, degan javob berolmaymiz. Imkon bor, faqat bu yerda emas, masalan 3 km yoki 5 km naridan tarmoq tortib keling. Mana shu yerda zahira quvvat bor.
Tadbirkor aytadi, men bu uylarni qachon qurib bitiraman, qachon sotaman, nomaʼlum. Hozir bu 5 km.dan tortib kelishga imkonim yo‘q. Lekin siz menga texnik shartda shunday yozib beringki, qurilish davri uchun eng yaqin transformatordan olay, qurilish uchun ishlatay, qurilish bitgandan keyin to‘liq elektr taʼminotiga o‘tkazilganda siz aytgandek 5 km.dan tortib kelaman, deydi.
Tadbirkorga rad etishga haqqimiz yo‘q. Qurilish davri uchun eng yaqin tuqtadan foydalanish uchun texnik shart beramiz. Kabelni tortadi, uyni quradi, sotadi, odamlar ko‘chib keladi. Konditsioner o‘rnatadi, televizor qo‘yadi, boshqa elektr jihozlarini qo‘yadi. Natijada u kabelning kuchi yetmaydi.
Keyin aholi “svet” o‘chdi, deb norozi bo‘ladi. Sizga uyni sotgan tadbirkor infrastrukturasini oxirigacha yetkazmasdan sotgan, desangiz, xalqimizda bitta tushuncha bor – chiroq yo‘qmi mening uyimda, bu uyni qurgan odam ham aybdor emas, boshqa ham aybdor emas. Aybdor – davlatning elektr taʼminoti korxonasi, deydi.
Buni men hamma tadbirkor bir xil deyolmayman. Lekin mana shunday holatlar ham juda ko‘p uchrayapti. Bu yerda huquqiy bitta muammo bor. Doimiy elektr taʼminoti uchun deb so‘ramagani uchun, vaqtinchalik deb so‘ragani uchun rad etishga haqqimiz yo‘q. Eng yaqin nuqtadan berishga majburmiz. Tadbirkorga yordam berishimiz kerak.
O‘zi aslini olganda haqiqatdan ham uyni bitirib, hali bitmagan uyni asta-sekinlik bilan sotishni boshlaydi. Tushgan puliga tadbirkor tarmoq tortib kelishi kerak. Vijdonli tadbirkorlar shunaqa qilayapti, tortib keladi 5 km.dan. Lekin bunda qolib ketayotganlari ham bor.
Keyin nima deyiladi. Uyni sotib bo‘ldi, tadbirkorning mulki emas, xonadonning egalari bor. Ular eshikni taqillatib kelgandan keyin elektr tarmoqlari tortish kerak. Hammasiga pul yetkazolmaydi elektr tarmoqlari korxonasi. Keyin elektr o‘chdi, degan eʼtirozlar bo‘ladi. Buni men o‘zimni oqlash tuqtai nazardan gapirmayapman. Hozirgi kunda ishlab turgan noto‘g‘ri sxemani tushuntirib berayapman”, – dedi vazir o‘rinbosari.
559
