Munosabat
Bugun, 25 oktabr kuni “Газета.uz” saytida “Issiqxonalari gazdan uzilgan tadbirkorlar norozilik bildirib, Toshkentda to‘plandi” mazmunida xabar e’lon qilindi.
Ushbu xabarga asosan Energetika vazirligi quyidagilarni ma’lum qiladi:
Bugun Toshkent, Buxoro, Xorazm viloyatlari va Qoraqalpog‘iston Respublikasidan kelgan tadbirkorlar bilan Vazirlar Mahkamasi, Energetika vazirligi, Qishloq xo‘jaligi vazirligi, “Hududgazta’minot” AJ, “O‘ztransgaz” AJ hamda Bog‘dorchilik va issiqxona xo‘jaligini rivojlantirish agentligi mas’ullari uchrashuv o‘tkazdi.
Uchrashuvda mas’ullar tomonidan tadbirkorlarning murojaatlari ko‘rib chiqildi va issiqxonalarning tabiiy gaz ta’minoti masalalari yuzasidan tegishli tushuntirish ishlari olib borildi.
Shuningdek, yaqin kunlarda mazkur masalalar va ularning maqbul yechimlari bo‘yicha Energetika vazirligida vazir bilan tadbirkorlarning uchrashuvini tashkil etishga kelishib olindi.
Energetika vazirligi Matbuot xizmati
419
