Ўзбекистон Республикаси Президентининг 2019 йил 30 июлдаги “Республика иқтисодиёти тармоқлари ва ижтимоий соҳани 2019/2020 йиллар куз-қиш даврида барқарор ишлашга комплекс тайёрлашни таъминлаш чора-тадбирлари тўғрисида”ги Қарори доирасида “Ўзтрансгаз” Акциядорлик жамияти томонидан қатор тадбирлар амалга оширилмоқда. Жамиятнинг муҳим бўғинлардан бири, чўл бағрида жойлашган “Муборак” Магистрал газ қувурлари бошқармаси 1,5 минг километр газ қувурларига хизмат кўрсатади.
Бугун 510 нафар ходим меҳнат қилаётган бошқарманинг барча бўлинмаларда 28 банддан иборат куз-қиш мавсумига тайёргарлик ишлари якунланди. Сурхондарё ва Қашқадарё вилоятларида 46 газ тақсимлаш станциялари ҳамда Газ ўлчаш станцияларида зарур профилактик ишлар ниҳоясига етди. Бошқарма ёнида унинг асосий нуқтаси бўлган компрессор станцияси бор. Қайта ишлаш заводларидан юборилган табиий газни кейинги босқичга узатувчи мажмуада ҳам мавжуд техника воситалари бир маромда ишлаши учун етарли чора-тадбирлар кўрилди. Корхона ҳовлиси ва станцияга кириш қисмидаги 5000 кв.м майдон асфальтланди. Муборакликлар жорий йил куз-қишга шундай тайёргарлик кўрдилар. Бу эса газчилар учун ҳақиқий синов даври бўлган мавсумни беталофат ва самарали ўтказишда омил бўлади.
“Ўзтрансгаз” АЖ Ахборот хизмати
1067
