Bu haqda AOKAda o‘tkazilgan brifingda “O‘ztransgaz” AJ axborot xizmati rahbari Tolib Rahmatov maʼlum qildi:
“O‘ztransgaz” AJ tizimida komplayens nazorat bo‘limi hamda murojaatlar bilan ishlash bo‘limi tomonidan 2022-yilning 9 oyi davomida amalga oshirilgan ishlar natijalari haqida maʼlumot:
O‘tgan davr mobaynida “O‘ztransgaz” aksiyadorlik jamiyati Komplayens-nazorat bo‘limi tomonidan 13 marta xizmat tekshiruvi o‘tkazildi. Mehnat qonunchiligi talablarini buzgan 28 nafar xodimga nisbatan intizomiy jazo choralari qo‘llash yuzasidan tavsiyalar berildi. 2 ta holat bo‘yicha to‘plangan hujjatlar qonuniy baho berish uchun prokuraturaga taqdim etildi.
Shu bilan birga, “O‘ztransgaz” aksiyadorlik jamiyati Komplayens-nazorat bo‘limi yilning 3 choragi mobaynida tarkibiy tuzilmalarda korrupsiyaga qarshi kurash bo‘yicha muntazam profilaktik tadbirlar o‘tkazdi.
Xodimlarga “O‘ztransgaz” aksiyadorlik jamiyatida korrupsiyaga qarshi kurash bo‘yicha amalga oshirilayotgan ishlar, jamiyatning korrupsiyaga qarshi kurash Siyosati, “O‘ztransgaz” aksiyadorlik jamiyati va uning hududiy hamda tarkibiy bo‘linmalarida manfaatlar to‘qnashuvini boshqarish bo‘yicha nizom, ishga qabul qilinayotgan nomzodlarni tekshirish bo‘yicha yo‘riqnoma, shuningdek, “O‘ztransgaz” aksiyadorlik jamiyati, uning hududiy hamda tarkibiy bo‘linmalari xodimlarining korrupsiyaviy xatti-harakatlari va odob-ahloq qoidalarini buzish holatlari ustidan xizmat tekshiruvlari o‘tkazish bo‘yicha reglamentning mazmun-mohiyati tushuntirildi.
Endi jamiyatga qilingan murojaatlarga oid raqamlarga qisqacha to‘xtalsak.
Hisobot davrida ishchi guruhlar tomonidan respublikaning barcha tuman va shaharlarida jami 71 ta sayyor qabul o‘tkazildi. Ushbu sayyor qabullarda fuqarolardan jami 162 ta og‘zaki murojaatlar tushgan bo‘lib, ko‘tarilgan muammoli masalalar joyida mutaxassislar tomonidan hal etildi yoki tegishli tartibda tushuntirishlar berildi.
2022-yilning yanvar-sentabr oylarida “O‘ztransgaz” aksiyadorlik jamiyatiga jismoniy va yuridik shaxslardan 283 ta yozma, 196 ta O‘zbekiston Respublikasi Prezidentining Virtual qabulxonasi orqali, 13 ta elektron pochta orqali va 203 ta og‘zaki murojaatlar kelib tushgan. Murojaatlarning ko‘rib chiqilishi nazoratga olinib, 223 tasi qanoatlantirilgan, 258 tasi bo‘yicha mualliflarga to‘liq tushuntirishlar berilgan va 18 tasi bo‘yicha o‘rganishlar olib borilyapti.
634
