Joriy yilning 2-4-noyabr kunlari Janubiy Koreyada “Bitgaram International Expo of Electric Power Technology/BIXPO-2022” texnologiyalari xalqaro ko‘rgazmasi va konferensiyasida ishtirok etish uchun O‘zbekiston Energetika vazirligi delegatsiyasi ushbu mamlakatda bo‘lib turibdi.
Ko‘rgazma doirasida bugun Energetika vazirligi delegatsiyasi Koreya Respublikasining Chxanvon shahridagi yirik “Doosan Enerbility” energetika kompaniyasi faoliyati bilan tanishdi.
Mazkur kompaniya barcha turdagi elektr stansiyalar va neft-gaz sanoati uchun eng zamonaviy energoqurilmalar ishlab chiqaradi va ularni o‘rnatish hamda xizmat ko‘rsatish ishlarini amalga oshiradi.
Uchrashuv davomida kompaniya rahbariyati so‘nggi yillarda O‘zbekistonda energetika sohasida amalga oshirilayotgan ishlarni eʼtirof etdi.
Maʼlumot uchun BIXPO-2022 ko‘rgazmasi Koreyaning Kvanju shahrida bo‘lib o‘tadi va u uglerod neytralligi va energiya xavfsizligiga bag‘ishlanadi.
O‘zbekiston Respublikasi
Energetika vazirligi Matbuot xizmati
543
