Bugun, 2-noyabr kuni Koreya Resrublikasining Gwangju shahrida “Bitgaram International Expo of Electric Power Technology/BIXPO-2022” xalqaro energetika ko‘rgazma va konferensiyasi o‘z ishini boshladi.
Mazkur tadbir Koreyaning yirik elektr energetika kompaniyasi – “Korea Electric Power Corporation” (KEPCO) tomonidan o‘tkazilmoqda. Unda dunyoning 20 dan ortiq mamlakatlaridan kelgan energetika kompaniyalari qatori O‘zbekiston Energetika vazirligi delegatsiyasi ham ishtirok etmoqda.
Ko‘rgazma uglerod neytralligi va energiya xavfsizligi masalalariga bag‘ishlangan bo‘lib, unda bir qator masalalar, xususan elektr energiyasi quvvatlarini oshirishda yashil energetikaning ulushini ko‘paytirish, eng zamonaviy energiya tejovchi qurilmalarni joriy etish, energiya resurslaridan samarali va oqilona foydalanish, buning natijasida atmosferaga zararli chiqindilar chiqishini oldini olish kabi muhim masalalar ilgari surilmoqda.
Ko‘rgazma doirasida bugun kunning ikkinchi yarmida Energetika vazirligi delegatsiyasi va KEPCO kompaniyasi prezidenti bilan uchrashuv o‘tkazilishi rejalashtirilgan.
O‘zbekiston Respublikasi
Energetika vazirligi Matbuot xizmati
504
