Joriy yilning 3-noyabr kuni iste’molchilarni yoqilg‘i-energiya resurslari bilan ta’minlash bo‘yicha amalga oshirilgan ishlar yuzasidan ma’lumot berib o‘tamiz.
Xususan, kecha, 3-noyabr kuni mavjud elektr stansiyalar orqali 210 million kilovatt-soat elektr energiyasi ishlab chiqarildi. Shundan respublika iste’molchilariga 195 million kilovatt-soat elektr energiyasi yetkazib berildi.
Shuningek, hududiy gaz ta’minoti korxonalari tomonidan iste’molchilarga jami 87 million 400 ming metr kub tabiiy gaz yetkazib berish rejalashtirilgan bo‘lsa, amalda 70 million 500 ming metr kub tabiiy gaz yetkazib berildi. Shu bilan birga, respublika iste’molchilariga jami 2 200 tonna suyultirilgan gaz yetkazib berildi.
Iste’molchilarni ko‘mir mahsulotlari bilan ta’minlash maqsadida “O‘zbekko‘mir” aksiyadorlik jamiyati tomonidan 7 ming 737 tonna mahalliy ko‘mir mahsulotlari yetkazib berildi.
Issiqlik elektr stansiyalardagi barcha energobloklar o‘z nominal quvvatida ishlamoqda.
Korxonalarda qazib chiqarish va ishlab chiqarish ishlari rejalashtirilgan tartibda olib borilmoqda. Barcha korxonalarda 24 soatlik navbatchilik tashkil qilingan.
Elektr energiyasi ta’minoti bo‘yicha Toshkent shahar Chilonzor tumanining ayrim hududlaridagi iste’molchilarida elektr ta’minotida uzilishlar kuzatildi. Mavjud muammolar maxsus brigadalar tomonidan bartaraf etilmoqda. Shuningdek, joylardan kelib tushgan murojaatlar hududlardagi mas’ul mutaxassislarga yetkazildi. Yuzaga kelgan muammolar mas’ul xodimlar tomonidan tezkor ravishda ijobiy hal etildi.
Shuningdek, tabiiy gaz ta’minoti bo‘yicha, Andijon, Samarqand, Qashqadaryo va Toshkent viloyatlaridan qilingan murojaatlar hududlardagi mas’ul mutaxassislarga yetkazildi. Gaz tarmoqlarida ta’mirlash ishlari iste’molchilarni oldindan ogohlantirgan holda amalga oshirildi.
Shu o‘rinda iste’molchilardan isitish moslamalariga ehtiyotkorlik bilan munosabatda bo‘lishlarini, gaz uskunalaridan foydalanishda xavfsizlik qoidalariga qat’iy rioya qilishlarini so‘raymiz.
Eslatib o‘tamiz, elektr energiyasi ta’minoti bilan bog‘liq masalalar bo‘yicha 1154 hamda gaz ta’minoti masalalari bo‘yicha 1104 qisqa telefon raqamlariga murojaat qilishingiz mumkin.
379
