Markaziy Osiyoda ilk bor bunyod etilayotgan balandligi 195 metr bo‘lgan temir-beton ekranli Pskem GES to‘g‘onini qurilishida ilg‘or jahon tajribasini qo‘llashga kirishildi.
“O‘zbekgidroenergo” AJ mazkur yirik strategik obyektni qurish loyihasini boshqarish uchun PMC (Project Management Contractor) Pudratchi yollashga tender savdolarini eʼlon qiladi.
MDH davlatlarida yangilik hisoblangan RMS Pudratchidan foydalanish tajribasi ilg‘or G‘arb davlatlarida qariyb 30 yildan buyon qo‘llanib kelinmoqda.
PMC Pudratchi to‘g‘on qurilishi kontrakti ustidan texnik-texnologik, moliyaviy, ekologik jihatidan nazorat o‘rnatib, gidrotexnik inshootlarning va konstruksiyalarning xavfsizligi va ishonchliligini, qurilishining yuqori sifatini kafolatlaydi.
Tender savdolarida ishtirok etish istagida bo‘lganlar 2022-yilning 2-dekabriga qadar https://xt-xarid.uz/procedure/580827/core elektron manziliga joylashtirilgan hujjatlar bilan tanishish va o‘z takliflarini kiritish imkoniyatiga egalar.
657
