Республикамизда аҳолига табиий газ етказиб бериш жараёнини самарали ишлашини ташкил этиш, куз-қиш мавсумида газ таъминотидаги узилишларни олдини олиш мақсадида, республика миқёсида режага мувофиқ, газ тақсимлаш нуқталари, қувурлари ва ҳисоблагичларни таъмирлаш-назорат ишлари олиб борилмоқда. Мазкур, таъмирлаш-назорат ишларини техника хавфсизлиги қоидаларига кўра ўтказилишини таъминлаш мақсадида, истеъмолчиларга газ етказиш вақтинча тўхтатилмоқда.
2019 йил 15 ноябрь куни Тошкент вилоятининг Бўка тумани «Увайсий» кўчасида техник назорат ишлари олиб борилиши сабабли, мазкур ҳудуддаги жами 55 та аҳоли хонадонларида соат 9:00 дан 15:00 га қадар, Ўртачирчиқ тумани, «Кундизак», «Айронтепа», «Ташморе», «Қорақўйли» МФЙ ва Нурафшон шаҳри «Тегантепа» МФЙ ҳудудидаги жами 1600 та аҳоли хонадонларида соат 9:00 дан 17:00 га қадар, Қуйичирчиқ тумани «Мевазор» МФЙ, «Ҳуррият» ва «Обод» кўчаларидаги жами 82 та аҳоли хонадонларида соат 9:00 дан 18:00 га қадар, Бухоро вилояти, Вобкент тумани ҳудудидаги жами 15200 та аҳоли хонадонларида соат 8:00 дан 18:00 га қадар ер ости газ қувурларини таъмирлаш ишлари олиб борилиши сабабли табиий газ таъминоти вақтинча тўхтатилишини маълум қиламиз.
Шунингдек, Оҳангарон шаҳри, 1-микрорайон ҳудудидаги 46-А кўп қаватли уйнинг дудбуронларида носозлик аниқлангани сабабли, мазкур носозлик бартараф этилгунига қадар, кўп қаватли уйнинг жами 72 та аҳоли хонадонларига газ таъминоти вақтинча тўхтатилaди.
«Ҳудудгазтаъминот» АЖ таъмирлаш ишлари туфайли газ таъминотидаги вақтинча узилишлар сабабли етказилаётган ноқулайликлар учун аҳолимиз ва газ истеъмолчиларидан узр сўрайди.
«Ҳудудгазтаъминот» АЖ матбуот хизмати
979
