Xitoyning kimyo-muhandislik milliy korporatsiyasi prezidenti Ven Gan ikki mamlakat o‘rtasida kimyo va gaz-kimyo sanoatida strategik hamkorlikni yanada rivojlantirish to‘g‘risida imzolangan bitim va O‘zbekistonda amalga oshirilayotgan keng ko‘lamli islohotlar haqida intervyu berdi:
“Men so‘nggi o‘n yil ichida birinchi marta mamlakatingizga tashrif buyurdim va O‘zbekiston barcha sohalarda sezilarli darajada taraqqiy etganiga guvoh bo‘ldim.
O‘zbekiston Markaziy Osiyoda juda muhim ahamiyatga ega davlat. Prezident Shavkat Mirziyoyev boshchiligida mamlakatingiz jadal rivojlanib, yuksak samaralarga erishmoqda.
Mamlakatingiz juda boy tabiiy resurslarga ega va mamlakat iqtisodiyotini rivojlantirish uchun barcha imkoniyatlarni yaratishga harakat qilmoqda.
Korporatsiyamiz O‘zbekiston bilan birgalikda neft va gaz, energiya resurslari, infratuzilma, yo‘llar qurilishi sohasidagi loyihalarni amalga oshirish niyatida.
Taʼkidlash kerakki, O‘zbekiston va korporatsiyamiz o‘zaro manfaatli hamkorlik hamda umumiy rivojlanish yo‘lida dadil qadam tashlamoqda.
Biz har doim sifat, xavfsizlik va loyiha taraqqiyotiga jiddiy eʼtibor beramiz hamda bu uchta omilni muhim talab deb hisoblaymiz.
Bizning korporatsiya boy tajribaga ega bo‘lib, ilg‘or texnologiyalarimizni sizning resurslaringiz va Xitoy bozori bilan uyg‘unlashtirib, O‘zbekistondagi barcha potensial loyihalarni amalga oshirishni istaymiz.
SHHTning Samarqand sammiti doirasida biz O‘zbekiston tomoni bilan Polivinilxlorid 2, “Ammiak va karbamid ishlab chiqarishni tashkil etish”, “Metanolni polipropilenga qayta ishlash majmuasi qurilishi”, “Metanolni olefinlarga qayta ishlash majmuasini qurish”, “Polibutilenadipattereftalat ishlab chiqarishni tashkil etish” kabi yirik loyihalarini amalga oshirish bo‘yicha qator shartnomalarni imzolagandik va bu loyihalar bo‘yicha amaliy harakatlar boshlangan.
Bu korporatsiyamiz va O‘zbekiston o‘rtasidagi hamkorlikning boshlanishi hisoblanadi va neft, kimyo, infratuzilma, temir yo‘l, avtomobil yo‘llari, tog‘-kon sanoati va atrof-muhitni muhofaza qilish loyihalari kabi barcha sohalarda hamkorligimizni rivojlantirishga xizmat qiladi.
Fursatdan foydalanib, O‘zbekiston tomonidan ko‘rsatilayotgan barcha yordam va qo‘llab-quvvatlash uchun o‘z minnatdorchiligimni bildirmoqchiman. Biz O‘zbekistonda amalga oshirilayotgan islohotlarni o‘z ko‘zimiz bilan ko‘rdik va kelajakda hamkorligimiz yanada rivojlanishiga juda ishonch hosil qildik. Keyingi qadamimiz – qo‘shma korxona tashkil etish.
Shuni alohi taʼkidlaymanki, korporatsiyamiz O‘zbekiston taraqqiyotiga o‘z hissasini qo‘shishga tayyor. Salohiyatli loyihalarni amalga oshirish va investitsiya olib kirishda ko‘proq ishtirok etishga, mamlakatingiz iqtisodiyotini rivojlantirishda amaliy yordam berishdan mamnunmiz”, - dedi korporatsiya prezidenti Ven Gan.
576
