Mazkur quyosh fotoelektr stansiyasi yiliga 1,1 mln kVt-soatdan ziyod elektr energiyasi ishlab chiqaradi.

Shuni alohida qayd etish kerakki, stansiya Vazirlar Mahkamasi binosini kunduz kuni to‘liq elektr energiyasi bilan taʼminlaydi. Shu bilan birga, ehtiyojidan ortgan qismini hududiy elektr tarmoqlariga uzatish imkoniyati ham yaratildi.

Ushbu stansiya Prezidentimiz raisligida qayta tiklanuvchi energiya manbalaridan foydalanishni kengaytirish masalalari bo‘yicha o‘tkazilgan videoselektor yig‘ilishidagi topshiriqlar ijrosi yuzasidan amalga oshirildi.

Fursatdan foydalanib, ushbu tashabbusga barcha vazirlik va idoralar ham qo‘shilishlarini so‘raymiz.

O‘zbekiston Respublikasi
Energetika vazirligi Matbuot xizmati

11.11.2022

585