Bugun Toshkent viloyatidagi Angren issiqlik elektr stansiyasining energoblokida nosozlik yuzaga keldi. Ushbu nosozlikni bartaraf etish ishlarini jadallashtirish maqsadida Energetika vaziri boshchiligida vazirlik rahbariyati zudlik bilan mazkur stansiyaga yetib bordi.

Nosozlikni bartaraf etish bo‘yicha maxsus brigada tashkil etildi va ishlarni jadallashtirish bo‘yicha tegishli topshiriqlar berildi. Ta’mirlash ishlari qisqa vaqt ichida yakunlanadi.

Hozirda Angren shahriga elektr energiyasi barqaror yetkazib berilmoqda, shuningdek, qisqa vaqt ichida issiqlik energiyasi yetkazib berilishi yo‘lga qo‘yiladi.

Energetika vazirligi Matbuot xizmati

13.11.2022

868