Болалар церебрал фалажланиши – бу энг оддий нарсалар учун доимий курашни англатади. Кўпчилигимиз учун оддий бўлган нарсалар – юриш, гапириш, рақсга тушиш, мулоқот қилиш бундай болалар учун кичик ғалабага айланади.
“Айланаверма!”, “Тез чопма!”, “Оёғинг остига қара!” – ота-оналар ўз болаларига бундай хитоблар билан мурожаат қилганлигини кўп эшитганмиз. Болаларга эса янги кашфиётларга тўла дунёга интилиш тинч туришига халал беради.
Афсуски, биз бугун фарзанди уларга томон югуриб келишини, болалар майдончасида бемалол ўйнаб-кулишини ва ёқимли ҳаракатлари билан уларга хурсандчилик ато этишини орзу қиладиган ота-оналар ҳақида сўзламоқчимиз. Зеро, уларнинг болалари алоҳида болалар, улар БЦФ ташхиси билан дунёга келган.
Болалар церебрал фалажланиши (БЦФ) – асаб тизимининг касалланиши бўлиб, у ҳаракатланиш ва мушаклар фаоллиги, кўриш, эшитиш, нутқ ва руҳиятдаги нуқсонларга олиб келади. Касаллик енгил даражали бўлса, одам ўзига ўзи хизмат кўрсатишга қодир бўлади. Ўртача даражада катталарнинг ёрдами талаб қилинади. Касаллиги оғир кечган одамлар атрофдагиларда ўта даражада қарам бўлади.
Тошкент шаҳрида таянч-ҳаракатланиш аппаратида нуқсони бор болаларга мўлжалланган бир неча нодавлат кўп профилли ихтисослаштирилган мактабгача таълим муассасалари мавжуд ва улардан бири 560-сонли «Семурғ» болалар боғчасидир. “Eriell” халқаро нефтсервис гуруҳи ушбу муассасага бир неча йиллар давомида бу касалликдан азият чекаётган болаларни реабилитация қилиш ва интеграциялашуви соҳасида хайрия ва ижтимоий йўналтирилган лойиҳаларни амалга оширишда кўмак кўрсатиб келмоқда.
Ижтимоий-хордиқ дастурларини ўтказиш билан бирга, гуруҳ томонидан бино тўлиқ реконструкция қилинди, ҳар йили хоналар таъмирланади, муассасани жиҳозлаш ва уни ногирон болаларга мўлжалланган ўқув-ривожлантирувчи жиҳозлар билан таъминлашда ёрдам кўрсатилади, болалар майдончалари, омбор ва бассейн қуриб берилди, тренажер ва мусиқа заллари, ошхона жиҳозланди.
Шу кунларда муассаса тарбияланувчилари учун Ҳосил байрамига бағишланган тадбир ташкил қилинди. Болалар қизиқарли томошани мириқиб кўришди, айни пайтда улар учун интерфаол тадбирлар: ранг баранг қумлардан буюмлар ясаш, қўл ҳунармандчилиги бўйича маҳорат мактаблари, мусиқали танловлар ташкил қилинди. Байрам тадбирига атаб ош дамланди, ширинликлар билан чойхўрлик уюштирилди.
БЦФ ташхиси бор фарзандли оилалар бирмунча яккаланиб қолиши ҳолатлари борлигини, боланинг аҳволи туфайли, кўпинча моддий қийинчиликлар сабабли байрамларга кам боришини англаган ҳолда ўрта ва оғир даражали БЦФ ли фарзандлари бор оилаларга ёрдам кўрсатиш бўйича комплекс дастурининг ривожлантирилиши ушбу вазиятни ўзгартириши мумкин, деб умид қиламиз.
1537
