Prezidentimiz tomonidan ilgari surilgan “Yashil makon” umummilliy loyihasi doirasida Energetika vazirligi va tizim tashkilotlari tomonidan daraxt ekish bo‘yicha “Dolzarb 40 kunlik” aksiyasi uyushqoqlik bilan tashkil etilmoqda.
Xususan, bugun, 27-noyabr kuni Energetika vaziriligi hodimlari tomonidan Toshkent shahrining Yashnobod tumanidagi “Alimkent” ko‘chasi hududida 500 tupga yaqin mevali va manzarali daraxt ko‘chatlari ekildi.
Yashil iqtisodiyotni rivojlantirishning muhim tarkibiy qismi bo‘lgan ekologiya va atrof muhitni asrash – bugungi kunning dolzarb vazifalaridan biri hisoblanadi.
Shu munosabat bilan, yurtimizda o‘tkazilayotgan “Yashil makon” umummilliy loyihasi doirasida yoqilg‘i-energetika tizimi tashkilotlari ham faol ishtirok etmoqda. Xususan, qishloq va shahar iqlimiga mos bo‘lgan ko‘chatlar ekilishiga alohida eʼtibor qaratilib, bugungi kunga qadar 250 ming tupdan ziyod mevali va manzarali daraxt ko‘chatlari ekildi.
Qayd etish kerakki, Vazirlik tizimidagi barcha tashkilotlar tomonidan respublika hududlari “Dolzarb 40 kunlik” aksiyasi yakuniga qadar jami 300 ming tup mevali hamda manzarali daraxt ko‘chatlarini ekish va ularni parvarishlash rejalashtirilgan.
O‘zbekiston Respublikasi
Energetika vazirligi Matbuot xizmati
572
