Assalomu alaykum, hurmatli yurtdoshlar!
Bugun ko‘mir sanoati korxonalari tomonidan aholiga yetkazib berilayotgan ko‘mir miqdorlari hamda omborlardagi mavjud ko‘mir zaxiralari haqida maʼlumot berib o‘tamiz.
Ayni kunlarda respublika aholisiga ko‘mir yetkazib berish tadbirlari jadal surʼatlarda olib borilmoqda. Ushbu yoqilg‘i 89 ta hududiy ko‘mir ombori va 12 savdo shoxobchasi orqali tarqatilmoqda.
Bugungi kun holatiga ko‘ra, hududlardagi ko‘mir omborlarida qariyb 22 ming tonna ko‘mir zaxirasi mavjud. Bundan tashqari, ko‘mir konidan ortilgan va manzillarga jo‘natilgan (yo‘llardagi) ko‘mir miqdori 34 ming tonnani tashkil qiladi. Ortilgan ko‘mir mahsulotlari 3-7 kunda ko‘mir omborlariga yetib boradi. Har kuni o‘rtacha hisobda 120 ta vagondan ziyod ko‘mir mahsulotlari hududlarga ortib yuborilmoqda.
Quyida viloyatlar kesimida bugungi kun holatiga (30-noyabr kuni, bir kunlik) ko‘mir zaxiralari hamda temir yo‘l vagonlariga ortilgan ko‘mir miqdorlari haqida maʼlumot berib o‘tamiz.
1. Qoraqalpog‘iston Respublikasidagi omborlarda 709 tonna ko‘mir zaxirasi mavjud bo‘lib, 2760 tonna ortilgan ko‘mir yo‘lda.
2. Andijon viloyatidagi omborlarda 1473 tonna ko‘mir mavjud va 3657 tonna yo‘lda.
3. Buxoro viloyatidagi omborlarda 2023 tonna mavjud va 3657 tonna yo‘lda.
4. Jizzax viloyatida 750 tonna mavjud.
5. Qashqadaryo viloyatidagi omborlarda 2153 tonna mavvjud.
6. Navoiy viloyatida 475 tonna mavjud va 828 tonna yo‘lda.
7. Namangan viloyatida 2379 tonna mavjud va 6969 tonna yo‘lda.
8. Samarqand viloyatida 1126 tonna mavjud va 3726 tonna yo‘lda.
9. Surxondaryo viloyatida 2093 tonna mavjud va 414 tonna yo‘lda.
10. Sirdaryo viloyatida 1202 tonna mavjud va 345 tonna yo‘lda.
11. Toshkent viloyatida 4140 tonna mavjud va 345 tonna yo‘lda.
12. Farg‘ona viloyatida 3276 tonna mavjud va 4071 tonna yo‘lda.
13. Xorazm viloyatida 37 tonna mavjud va 7107 tona yo‘lda.
Eslatib o‘tamiz, joriy quz-qish mavsumida aholi isteʼmolchilariga 882 ming tonna mahalliy ko‘mir yetkazib berilishi rejalashtirilgan bo‘lib, bugungi kunga qadar 519 ming tonna ko‘mir omborlarga ortib yuborildi.
Ko‘mir omborlarida ortish ishlarini jadal amalga oshirish maqsadida yetarli yuklovchi transport vositalari va ishchi kuchlari jalb etilgan.
Shuni alohida taʼkidlash kerakki, ayrim isteʼmolchilar (xususan, imkoniyati cheklangan fuqarolar, keksalar)ga qulayliklar yaratilgan bo‘lib, ko‘mir olish uchun omborga borib, ovora bo‘lmasliklarini so‘raymiz.
Chunki, mahalla fuqarolar yig‘inlari tomonidan ko‘mirga ehtiyojmand xonadonlar ro‘yxati shakllantirilgan va unga asosan mahalla faollari omborlardan ko‘mir mahsulotini olib ketish va tarqatish amaliyotlari yo‘lga qo‘yilgan.
Shuningdek, isteʼmolchilar ko‘mir mahsulotlarini o‘z shaxsiy yoki yuk avtotransport vositalarida omborlardan olib ketishlari mumkin.
Har bir ko‘mir omborida ushbu mahsulotni aholiga sotish yuzasidan jamoatchilik nazorati o‘rnatilgan. Bundan tashqari, ushbu jarayonga mahalliy hokimlik, huquq-tartibot organlari ham jalb qilingan.
Eslatib o‘tamiz, aholiga sotilayotgan ko‘mir mahsulotlarining bir tonnasi respublikamizning barcha hududlarida joylashgan ko‘mir omborlarida yagona narx — 300 ming 300 so‘mni tashkil qiladi.
Hurmatli isteʼmolchilar, ko‘mir taʼminoti bilan bog‘liq barcha savollar yuzasidan quyidagi telefon raqamlari va elektron manzillar orqali murojaat qilishingiz mumkin:
“O‘zbekko‘mir” AJ — 78-148-30-03,
“Ko‘mir ta’minot” MCHJ — 71-244-38-28,
“O‘zbekko‘mir” AJ sayti uzbekcoal.uz/uz
Telegram bot — @Uzbekcoaluz_bot
E-mail: info@coal.uz
821
