O‘zbekiston energetika vaziri o‘rinbosari Sherzod Xodjayev energiya resurslari taqchilligi bo‘yicha eng ko‘p muhokama qilinayotgan savollarga javob qaytardi.
Energetika vazirligi masʼul xodimlari hududlarga chiqib, vaziyatni o‘rganayaptimi, aholi bilan muloqot qilayaptimi?
— Albatta. Vazir, vazirlik tarkibidagi ikkita inspeksiya rahbari hamda masʼul xodimlar muntazam ravishda hududlarga chiqib muammolarni bevosita isteʼmolchilar bilan muloqot qilgan holda o‘rganishyapti.
Mana shunday o‘rganishlarda juda ham ko‘p energiya resurslaridan, ayniqsa elektr energiyasi va tabiiy gazdan noqonuniy foydalanish holatlari aniqlanyapti. Bunday holatlarda isteʼmolchilarga nisbatan ham o‘zimizning xodimlarga nisbatan ham tegishli choralar ko‘rilayapti.
Bundan tashqari, isteʼmolchilar bilan muloqot juda yaxshi yo‘lga qo‘yilgan. Masalan Termiz shahrida AI-80 markali benzin narxini asossiz oshirilganligi to‘g‘risida maʼlumot kelib tushdi. Ushbu maʼlumotni o‘rganish uchun Neftgazinspeksiya xodimlari joyiga chiqib, ko‘rib o‘zlariga amin bo‘lishgandan so‘ng, mana shu AYOQSHga nisbatan tegishli choralar ko‘rildi,
Bunday holatlar respublikada ko‘plab uchramoqda va narxlarni asossiz oshirgan yoki noqonuniy ravishda tarmoqlarga ulanib olgan isteʼmolchilar yoki tadbirkorlar albatta jazosiz qolmasligi bir necha bor aytib o‘tildi.
Bundan tashqari, tabiiy gaz tarmog‘i mavjud, suyultirilgan gaz ballonidagi gaz bilan taʼminlanmagan hududlarda gaz bosimi tushib ketganligi natijasida chekka hududlarda tabiiy gaz yetib bormagan holatlar ham aniqlanyapti. Va u yerlarga Hududgaztaʼminot kompaniyasining rahbarlari va masʼul xodimlarini bevosita ishtirokida maishiy gaz ballonlari tarqatilayapti
226
