Elektr tarmoqlariga noqonuniy ulanish holatlarini aniqlash va ularga nisbatan tegishli choralar ko‘rish yuzasidan Energetika vazirligi huzuridagi “O‘zenergoinspeksiya” tomonidan joylarda nazorat tadbirlari o‘tkazilmoqda.
Xususan, Toshkent viloyati Toshkent tumani, “Ko‘ksaroy” MFYda faoliyat yuritib kelayotgan “YAG‘MUR PARRANDA SERVIS” fermer xo‘jaligiga qarashli parranda yetishtirish korxonasi haqiqiy isteʼmol qilgan elektr energiyasi sarfini yashirib, oylik hisobotlarni kamaytirib ko‘rsatilgan holda topshirib kelganligi aniqlandi.
Tadbirkor tomonidan hisobotlarda ko‘rsatilmagan elektr energiyasi ko‘rsatkichlari bo‘yicha 194 mln so‘m mablag‘ elektr taʼminoti korxonasiga undirishga qaratildi. Ushbu hajmdagi elektr energiyasi hozirgi kunda 2 mingta xonadonning bir oylik isteʼmolini tashkil qiladi.
Elektr energiyasidan noqonuniy foydalanish holatlari bo‘yicha o‘rganishlar davom etmoqda.
446
