Joriy yil 9-12-dekabr kunlari Energetika vazirligi huzuridagi “O‘zneftgazinspeksiya” va huquqni muhofaza qilish organlar bilan o‘tkazilgan nazorat tadbirlarida 19 ta holatda issiqxona xo‘jaliklarida tabiiy gazdan noqonuniy foydalanish holatlari aniqlandi.
Ushbu noqonuniy foydalanilgan tabiiy gaz hajmi 1,9 mln kub metr yoki 1,9 mlrd so‘mni tashkil etgan. Bu hajmdagi tabiiy gaz 95 000ga yaqin hovli xonadonning kuz-qish mavsumidagi bir kunlik isteʼmolini tashkil qiladi. Jumladan,
Andijon shahrida yashovchi fuqaro U.D tomonidan xonadonidagi issiqxonada hech qanday hujjatlarsiz 2 dona isitish qozonini (2 dona nostandart gaz yondirgich) tarmoqqa o‘zboshimchalik bilan ulab tabiiy gazdan noqonuniy foydalanilgan. Noqonuniy foydalanilgan tabiiy gaz hajmi 104 ming kub metrni (104 mln so‘m) tashkil etgan.
Buxoro shahar, “Asilbek Yusufbek biznes” MCHJga qarashli issiqxonada shartnoma va loyiha hujjatlarida qayd etilmagan 3 dona isitish qozonini o‘zboshimchalik bilan tarmoqqa ulanib tabiiy gazdan noqonuniy foydalanilgan. Noqonuniy foydalanilgan jami tabiiy gaz hajmi 402 ming kub metrni (402 mln so‘m) tashkil etgan.
Toshkent va Qibray tumanida yashovchi fuqarolar U.Q, Y.X, A.Xlar tomonidan issiqxonada hech qanday asoslantiruvchi hujjatlarsiz jami 5 dona nostandart (yasama) isitish qozonlarini tarmoqqa o‘zboshimchalik bilan ulab tabiiy gazdan noqonuniy foydalanilgan. Noqonuniy foydalanilgan jami tabiiy gaz hajmi 717 ming kub metrni (717 mln so‘m) tashkil etgan.
Sergili tumani “LIDER BISCUTT” va STELL IPON” MCHJlarga qarashli issiqxona ho‘jaliklarida shartnoma va loyiha hujjatlarida qayd etilmagan isitish qozonlarini o‘zboshimchalik bilan tarmoqga ulanib tabiiy gazdan noqonuniy foydalanilgan. Noqonuniy foydalanilgan jami tabiiy gaz hajmi 135 ming kub metrni (135 mln so‘m) tashkil etgan.
Tegishli hujjatlar huquqni muhofaza qiluvchi organlarga yuborildi.
388
