Prezidentimizning joriy yil 12-dekabrdagi qaroriga muvofiq, 2023-yil 1-aprelga qadar Energetika vazirligi huzuridagi inspeksiyalar tomonidan, istisno tariqasida, Biznes ombudsman bilan kelishilmasdan tadbirkorlik subyektlarini ularning moliyaviy-iqtisodiy faoliyatiga aralashmagan holda energiya resurslaridan noqonuniy va samarasiz foydalanish holatlarini tekshirishga ruxsat berildi.
Shunga ko‘ra, “O‘zenergoinspeksiya” tomonidan elektr taʼminoti korxonalari va huquqni muhofaza qiluvchi organlar bilan hamkorlikda joylarda nazorat tadbirlari o‘tkazilmoqda.
Xususan, 12-13-dekabr kunlari o‘tkazilgan nazorat tadbirlari natijasida hududlarda 192 ta isteʼmolchi tomonidan 6,8 mln kVt.soat miqdordagi elektr energiyasidan noqonuniy foydalanish holatlari aniqlanib, energetika tizimiga jami 3,1 mlrd so‘m qiymatda zarar keltirilganligi maʼlum bo‘ldi.
Ushbu hajmdagi elektr energiyasi o‘rta hisobda 34 mingta xonadonning bir oylik isteʼmoliga teng miqdorni tashkil qiladi.
Noqonuniy foydalanish holatlarining eng ko‘pi – Andijon, Sirdaryo va Buxoro viloyatlarida aniqlandi.
Hududlarda nazorat tadbirlari davom ettirilmoqda.
402
