“Ҳудудий электр тармоқлари” акциядорлик жамияти томонидан 2019 йил 24 июль куни “Ахборот ва оммавий коммуникациялар агентлиги”да ОАВ вакиллари билан “Ҳудудий электр тармоқлари” АЖ фаолиятининг устувор вазифалари. Соҳада амалга оширилаётган ислоҳотлар” мавзусига бағишланган учрашув бўлиб ўтди. Унда “Ҳудудий электр тармоқлари” АЖ Бошқаруви раиси ўринбосари Феруз Қурбонов бошчилигида соҳа мутахассислари ҳамда оммавий ахборот воситалари вакиллари иштирок этишди.
Тадбирда таъкидланганидек, “Ҳудудий электр тармоқлари” акциядорлик жамияти томонидан бугунги кунда мамлакатимиз бўйлаб электр энергияси таъминотида бир қатор ишлар амалга оширилмоқда. Хусусан, бугунги кунда жамият таркибида 14 та Вилоят ҳудудий электр тармоқлари корхоналари ва 214 та туман ҳамда шаҳар электр таъминоти корхоналари орқали ютимиздаги 6 млн 700 мингдан ортик аҳоли хонадони ва 308 минг 200 га яқин юридик истеъмолчиларни 1629 та 35-110 кВ кучланишли подстанциялар, 79 122 та трансформатор пунктлари ҳамда 240,7 минг.км узунликда электр узатиш тармоқлари орқали электр энергияси билан таъминланмоқда.
Қайд этиш керакки, “Электр энергиясини ҳисобга олиш ва назорат қилишнинг автоматлаштирилган тизими (АСКУЭ)ни жорий этиш ишлари ҳам изчил амалга оширилмоқда. “Ҳудудий электр тармоқлари” АЖ томонидан айни пайтгача мамлакатимизнинг 24 та туман ва шаҳарларида 950 мингдан зиёд замонавий электр ҳисоблагичлар ўрнатилди. Йил якунига қадар 2,5 миллиондан ортиқ электр ҳисоблагичлар ўрнатилиши режалаштирилган бўлса, 2020 йил якунига бориб 7 миллиондан ортиқ истеъмолчиларнинг барчаси ушбу тизимга тўлиқ уланиши таъминланади.
Алоҳида таъкидлаш керакки, ушбу замонавий электр ҳисоблагичлар истеъмолчиларга “Ҳудудий электр тармоқлари” АЖ маблағлари эвазига бепул ўрнатиб берилмоқда.
Таҳлилларга кўра, ҳар бир истеъмолчига ўрнатилаётган замонавий ҳисоблагич учун жамият маблағлари ҳисобидан ўртача 770 000 сўм сарфланмоқда ва бу ҳар бир истеъмолчининг шунча маблағ иқтисод қилаётганини кўрсатади.
“Кичик саноат зоналари, фарм зоналар ва эркин иқтисодий зоналарнинг ташқи электр таъминоти бўйича электр узатиш тармоқларини қуриш ва реконструкция қилиш” объекти барча вилоятлар бўйича жами узунлиги 115,4 кмга тенг электр узатиш тармоқлари қурилади ва реконструкция қилинади ҳамда 110 та трансформатор пунктлари ўрнатиш ишлари ҳам амалга оширилмоқда.
Бу ишларнинг барчаси, мамлакатимиз электр энергияси таъминотининг янада яхшиланиши йўлидаги муҳим омил бўлиб хизмат қилади.
Тадбир якунида журналистларни қизиқтирган саволларга мутахассислар томонидан атрофлича жавоблар берилди.
12221
