Energetika vazirligi huzuridagi “O‘zneftgazinspeksiya” hamda Toshkent shahar IIBB tezkor xodimlari bilan hamkorlikda neft mahsulotlarini noqonuniy savdosi bilan shug‘ullanish holatlarini aniqlash va ularni bartaraf etish yuzasidan nazorat tadbirlari olib borilmoqda.
Xususan, 17-dekabr kuni Toshkent shahri, Yunusobod tumani, “Uch-qahramon” aylanmasi yonida joylashgan AYoQShga fuqaro H.I. tomonidan yuk avtomobilida 39 830 litr neft mahsulotini (dizel yoqilg‘isi) noqonuniy ravishda sotilayotganligi aniqlandi.
Dizel yoqilg‘isidan sifat tahlillari o‘tkazish uchun namunalar olinib “O‘zneftgazinspeksiya” Toshkent nazorat-kimyo laboratoriyasiga yuborildi.
Hozirda aniqlangan holat yuzasidan huquqni muhofaza qiluvchi organlar tomonidan surishtiruv ishlari olib borilmoqda.
337
