Energetika vazirligi huzuridagi “O‘zenergoinspeksiya”, hududiy elektr tarmoqlari korxonalari va huquqni muhofaza qiluvchi organlar bilan hamkorlikda joylarda elektr energiyasidan foydalanishda nazorat tadbirlari o‘tkazilmoqda.
Xususan, dekabr oyining 18 kunida o‘tkazilgan nazorat tadbirlari davomida hududlarda 471 ta iste’molchi tomonidan 21,4 mln kVt-soat miqdordagi elektr energiyasidan noqonuniy foydalanish holatlari aniqlandi. Natijada energetika tizimiga jami 10 mlrd so‘mdan ziyod zarar keltirilganligi ma’lum bo‘ldi.
Ushbu hajmdagi elektr energiyasi o‘rtacha 71 mingta xonadonning bir oylik iste’molini tashkil qiladi.
Noqonuniy foydalanish holatlari respublikaning barcha hududlarida aniqlangan. Misol uchun:
➖Sirdaryo viloyati, Boyovut tumanidagi “Magistral tarmoq qurilish” MChJda 226,1 mln so‘m;
➖Samarqand viloyati, Oqdaryo tumanidagi “Sogda qurilish” MChJning tosh va shag‘al maydalash sexida 133,6 mln so‘m;
➖Toshkent shahri, Shayxontohur tumani “Chorsu” savdo kompleksida 100,7 mln so‘mlik elektr energiyasidan noqonuniy foydalanilgan.
Qoidabuzar iste’molchilarga nisbatan belgilangan tartibda choralar ko‘rilib, ularning elektr uskunalari tarmoqdan ajratildi.
375
