Zamonaviy texnologiyalardan foydalanish orqali FNQIZ texnologik jarayonlarning yangi bosqichiga chiqishga erishmoqda. Bugungi kunda korxonaning barcha resurslari iste’molchilarni arzon yoqilg‘i, xususan, benzin bilan ta’minlashga qaratilgan.
Ishlab chiqarish va mahsulot yuborishning yuqori sur’atlarini ta’minlash maqsadida 2022-yil dekabr oyining birinchi o‘n kunligidan boshlab Farg‘ona neftni qayta ishlash zavodida “SAP S/4 Hana” dasturiy ta’minoti asosida Korporativ axborot tizimida elektron hujjat aylanishi orqali yuklarni jo‘natishning avtomatlashtirilgan jarayoni ishga tushirildi. Bu mijozlar bilan o‘zaro aloqada bo‘lgan bo‘lim uchun mahsulot yuborish jarayonining barqarorligi va shaffofligini ta’minlaydi.
Amalga oshirilgan avtomatlashtirish jarayoni bir qator afzalliklarni beradi. Yuk hujjatlari endi QR kod bilan chop etiladi. Uning ichida yuk haqidagi barcha ma’lumotlar bir joyda raqamli tarzda jamlanadi. QR kod yordamida mutaxassis mobil telefondan yukni jo‘natish va unga mas’ul bo‘lgan shaxslar haqidagi barcha ma’lumotlarni ko‘rishi mumkin.
Bundan tashqari, ushbu avtomatlashtirish jarayoni joriy etilishi bilan har bir avtomobil ularga beriladigan elektron talon orqali zavodga kiradi. Yuk tashish holatini onlayn tarzda kuzatish, bu jarayonning har bir bosqichini barcha ishtirokchilar tomonidan mas’uliyat bilan amalga oshirishiga zamin yaratadi.
Amalga oshirilgan tizim mahsulotlarni jo‘natish bilan bog‘liq yuzaga keladigan muammolar zudlik bilan bartaraf etish imkonini beradi va qog‘oz hujjatlar sonini keskin kamaytiradi. Tizimdagi barcha ma’lumotlar inson omili ishtirokisiz amalga oshiriladi.
“Ushbu jarayon zavod menejmentiga dunyoning istalgan nuqtasidan, onlayn tarzda zavoddagi jarayonlarni ko‘rish va kuzatish imkonini beradi. Hozirda zavod tomonidan mijozlarga xizmat ko‘rsatish sifatini oshirish bo‘yicha keyingi qadamlar belgilangan”, — dedi biznes jarayonlarini avtomatlashtirish bo‘yicha direktor o‘rinbosari Natalya Alshanikova.
697
