2019 йил 21 ноябрь куни Нурафшон шаҳар, «Муқимий» МФЙ ҳудудида янги қурилган уйларни табиий газ тармоғига улаш ишлари олиб борилиши муносабати билан, «Муқимий» МФЙ «Уфқ» ва «Зиёлилар» кўчалари ҳамда «Эвалек» МФЙнинг «Ифтиҳор» ва «Пиллакор» кўчаларида жами 261 та аҳоли хонадонларига соат 9:00 дан 17:00 га қадар, Олмалиқ шаҳар, Пискент тумани «Намуна» МФЙ «Янги хаёт» кўчасини табиий газ билан таъминловчи ГТШни (ГРП) алмаштириш ишлари олиб борилиши муносабати билан мазкур кўчадаги жами 55 та аҳоли хонадонларига соат 9:00 дан 16:00 га қадар, Оққўрғон туман, «Сувчи» МФЙда жойлашган 38-мактаб биносини қурилиш ишлари тугатилганлиги ва мавжуд газ қувурини кўчириш ишлари сабабли, ҳудуддаги жами 64 та аҳоли хонадонларига соат 10:00 дан 16:00 га қадар табиий газ таъминоти вақтинча тўхтатилишини маълум қиламиз.
Шунингдек, 2019 йил 20 ноябр куни Оҳангарон шаҳар, 1-микрорайон ҳудудидаги кўп қаватли хонадонларнинг дудбуронида носозликлар аниқлангани сабабли, мазкур ҳудуддаги жами 48 та хонадон, Оққўрғон тумани, «Қаҳрамон» МФЙ ҳудудидаги «Халимахон Саидхўжаева» фермер хўжалиги ер майдонидан ўтган юқори босимли газ қувирига ерни шудгорлаш чоғида эҳтиётсизлик оқибатида зарар етказилгани сабабли, тумандаги «Қаҳрамон» ва «Қўрғотепа» ҳамда Пискент тумани, «Сатторобод» МФЙ ҳудудларидаги жами 1260 та хонадон ва ҳудди шундай ҳолат Қуйичирчиқ туманида ҳам содир бўлганлиги оқибатида, тумандаги «Мингчинор», «Кўксарой», «Галаботир», «Бирлик», «Ойдинобод» ва «Хисарак» МФЙдаги жами 2200 та аҳоли хонадонлари газ таъминотидан вақтинча узилган. Таъмирлаш ишлари тугатилгандан сўнг, табиий газ таъминоти қайта тикланади.
«Ҳудудгазтаъминот» АЖ таъмирлаш ишлари туфайли газ таъминотидаги вақтинча узилишлар сабабли етказилаётган ноқулайликлар учун аҳолимиз ва газ истеъмолчиларидан узр сўрайди.
«Ҳудудгазтаъминот» АЖ матбуот хизмати
1071
