Hozirda “Issiqlik elektr stansiyalari” АJ tomonidan maxsus ishchi guruhi tuzilgan boʼlib, ular boshchiligida korxonaning mavjud texnik imkoniyatlarini qayta koʼrib chiqish, moliyaviy holatini oʼrganish, ishlab chiqarish koʼrsatgichlarini taʼminlash boʼyicha tegishli choralar koʼrilmoqda.
Shuningdek, aholining elektr va issiqlik energiyasiga boʼlgan talabini toʼliq qondirish maqsadida korxonada ishlab chiqarish barqarorligini taʼminlash boʼyicha maxsus shtab faoliyati yoʼlga qoʼyildi. Mutaxassislar ishtirokida elektr stansiyaning oʼrnatilgan quvvatini toʼliq ishga tushirish boʼyicha reja-jadval asosida ishlar olib borilmoqda.
Bundan tashqari, ishchi guruhi elektr stansiyada boʼlib, “Inson qadri uchun” tamoyili asosida ishchi-xodimlarning mehnat sharoitlarini yaxshilash, mehnat muhofazasini taʼminlash, texnik xavfsizlik boʼyicha belgilangan talablarga rioya etish hamda ularni moddiy va maʼnaviy qoʼllab-quvvatlash choralarini koʼrmoqda.
Kelgusida, ishlab chiqarish jarayonida atrof-muhitga yetkazilishi mumkin boʼlgan zararni kamaytirish va ekologik holatni yaxshilash boʼyicha zamonaviy uskunalar joriy etiladi.
“Issiqlik elektr stansiyalari” AJ Matbuot xizmati
566
